وجهت الإعلامية ياسمين عز، خلال حلقة أمس السبت من برنامجها “كلام الناس” الذي يعرض عبر قناة “MBC مصر” نصيحة للسيدات.
حيث قالت: “دلوقتي فيه قاعدة عامة درسناها بتقول.. والقاعدة دي مهمة.. إنك يا مدام ما ينفعش تكلمي جوزك في التليفون وانتي حافية.. بنكلمه إزاي؟ بنكلمه وإحنا لابسين حاجة في رجلنا”.
وأضافت: “لازم نكون لابسين جزمة أو حاجة فيها حتى لو كعب شوية أنوثة.. طيب عندك فلات فوت هموت هشلك.. لا.. بعد الشر عليكي وع اللي حواليكي البسي شبشب زاحف عادي المهم أي حاجة في رجلك.. ليه بقى؟ بيقولك لو كلمتي جوزك وانتي حافية الكلام يطلع من رجلك.. لكن لو كلمتي جوزك وانتي لابسة حاجة في رجلك الكلام يطلع من قلبك”.
وتابعت: “ولو لابسة بيجامة؟ كلامك يطلع م البيجامة.. ولو لابسة جلابية؟ كلامك يطلع م الجلابية.. ولو لابسة فستان؟ كلامك يطلع م الفستان”.
واستكملت: “لو انتي رايحة تكلمي جوزك في نص اليوم مش هتكلميه بالاسدال.. لأ مش هتكلمي بالإسدال.. الإسدال بيصلوا بيه وبيقلعوه يطبقوه ما بيتكلموش بيه في التليفون.. انتي هتعملي إيه هتكلمي فرعونك في التليفون إزاي.. انتي هتلبسي شبكتك تلبسي جزمتك على جلابيتك عادي جدًا”.
