لم تتمالك الفنانة وفاء عامر، دموعها أثناء حديثها عن الأشياء التي تجعلها تشعر بالضيق من زوجها، خلال حلولها ضيفة على الإعلامية ياسمين عز، في أحدث حلقات برنامج “كلام الناس” الذي يعرض عبر قناة “MBC مصر”.
حيث قالت وفاء: “إيه اللي يخليني أتضايق أو أغير.. لما يتأخر عليا وما أوحشهوش أو يقولي وحشتيني.. تضايقني أوي.. لما يتأخر عليا في شوفتي.. لما يبطل يشوفني يعني”، لترد عليها ياسمين، قائلة: “حلوة الجملة دي.. لا هيفضل يشوفك طول العمر إن شاء الله.. هو ليه حضرتك هتلاقي زيها فين؟ بعد إذن حضرتك لأ ده انتي الخير والبركة وست البيت”.
وأضافت وفاء: “لأ هو الراجل لما يبقى شايف مراته طول الوقت مفيش غيرها.. طول الوقت الراجل عايز يعملها كل حاجة حلوة حتى لو مش معاه فلوس عايز يبسطها.. عايز يقولها كلمة حلوة.. الكلمة الحلوة دي لو وزنتي كنوز العالم بالكلمة الحلوة الكلمة الحلوة ترجح.. لما يقولها وحشتيني في وقت لسه نازل م البيت يركب العربية.. أو لسه رايح يركب الأتوبيس.. أصل مش كل الناس عندهم عربيات.. إحنا بنتكلم عن كل فئات المجتمع.. برنامجك انتي بتخاطبي بيه كل الناس.. 95 % أو 85 % من المجتمع المصري”.
وتابعت: “أنا دايمًا برقي الناس لما ألاقي اتنين بيحبوا بعض عشان الحسد.. أقولهم خلوا بالكوا اعملوا كذا بخاف أوي ع العلاقات الحلوة.. والحاجات لما تكون جوه بيتها ما تتنظرش.. أول ما نبتدي نطلع ونعمل”.
