علقت الفنانة وفاء عامر، خلال لقائها مع الإعلامية ياسمين عز، في أولى حلقات الموسم الجديد من برنامج “كلام الناس”، الذي يعرض عبر قناة “MBC مصر”، على الشائعة التي انتشرت منذ فترة بشأن أنها والدة الفنانة أيتن عامر، الحقيقية.
حيث قالت وفاء، تعليقًا على الشائعة: “أنا كنت في تانية ثانوية وزمايلي قاعدين بيتفرجوا عليا دلوقتي كلهم.. وفي حاجات اسمها كمبيوتر وفي حاجات اسمها اللي هيتزور في البلد دي هيروح في ستين داهية”.
وأضافت: “أنا عرفت مين اللي طلعت الإشاعة دي.. ومعرفش دي غيرة ولا إيه.. وبعدين أنا حتى لما تلاقيني قاعدة في وسط مجموعة برفض الكلام على الناس وبرفض جدًا إن حد يشتم على حد ولما بيبقى فيه عداء أو مشاحنة بقول كلمة الحق وأقوم عشان ما تقلبش خناقة”.
وتابعت: “الحمد لله ناس كتير بتدافع عني واللي بيكرهوا شوية صغيرين خليهم يمشوا يدوسوا على ضلي.. تعيش يا ضلي وتكعبل الناس.. تعيشي يا ضحكتي وتفرسي كتير”.
وأكملت: “بس أنا على فكرة بعد ما كبرت يعني وأنا قدك ووأنا قد أيتن كان ده بالنسبة لي يزعلني ويخليني أكتئب.. لأ تفضلي ماشية وليكي ضل يحاول حد يدوس عليه والضل يكبر”.
وأختتمت حديثها قائلة: “أنا هقولك على حاجة يا ياسمين أنا أمي اتجوزت وهي عندها 15 سنة.. ده الفرق اللي بيني وبين أيتن.. لو أنا كنت أتجوزت وأنا قد ماما كده الفرق بيني وبين أمي 15 سنة وأشهر.. يعني أمي كانت بتلعب في الشارع واتجوزت فأنا أيتن ياريتني عندي بنت زيها.. وأنا بعشق البنات.. يعني بنت أيتن دي بعشقها وبنات أختي بنات داليا بعشقهم”.
