أثارت الفنانة الشابة تارا عماد، سخرية رواد مواقع التواصل الاجتماعي بسبب التصريحات التي أدلت بها خلال لقائها مع الإعلامية منى الشاذلي، مقدمة برنامج “معكم” الذي يعرض عبر قناة “cbc”.
حيث قالت: “في 2014 دخلت كلية فنون تطبيقية 5 سنين بس أنا خدتها في 8 سنين.. مش عشان أنا فاشلة أو بسقط.. المشكلة إن كانت كلها حاجات عملي وأنا شغلي كان ليه الأولوية بالنسبالي”.
وأضافت: “كانت كلية حلوة واتعلمت فيها حاجات كتير أوي.. وكنت محتاجة أخلص الجامعة مش عشان حد بيقولي أنا محتاج شهادة.. فكنت واخداها على مهلي.. ولما الجامعة بعتولي إيميل بميعاد حفل التخرج ما شوفتوش غير بعد شهر ونسيت أروحه عشان كنت مشغولة”.
وتابعت: “مامتي كانت مستنية اللحظة دي وأنا اتضايقت جدًا وكلمتها وكنت بعيط.. بس بعد كام يوم نزلت صورتي بلبس التخرج برضه عشان اتجاوز الموضوع ده”.
الجدير بالذكر أن تارا عماد، هي ممثلة مصرية من مواليد 11 مايو 1993 وعمرها حاليًا (29 سنة) من أب مصري، وأم يوغسلافية.
ظهرت تارا، على الشاشة لأول مرة كطفلة إعلانات وهي في الرابعة من عمرها، قبل أن تتجه للعمل في مجال الأزياء وهي في الرابعة عشرة من عمرها، ثم التحقت بعدد من ورش التمثيل.
أبرز أعمالها: أفلام: “الهرم الرابع، وخير وبركة، والكويسين، وتراب الماس، و122، والفيل الأزرق 2″، ومسلسلات: “الجامعة، وزي الورد، وصاحب السعادة، وبين السرايات، ولمعي القط، وونحب تاني ليه، وضد الكسر، وموسى”، ومسرحيات: “علاء الدين”.
