انهيار تامر سمير من البكاء: عارفة الجملة بتاعت يجعله آخر الأحزان.. موت الأم هو آخر الأحزان

حل الفنان تامر سمير، ضيفًا على الإعلامية راغدة شلهوب، في أحدث حلقات برنامجها “نص الكلام” الذي يعرض عبر قناة “النهار”.

وتحدث تامر، خلال الحلقة عن وفاة والدته بمرض الزهايمر، ومعاناتها قبل رحيلها، ولم يتمالك دموعه أثناء حديثه عن والدته وانهار من البكاء.

وقال تامر، عن والدته: “ماما توفت السنة اللي فاتت الله يرحمها.. بس الزهايمر جالها من 2014 من فترة كبيرة.. اللي هو تامر انت كلت؟ أه يا ماما.. فالسؤال بيتعاد كتير.. فمن هنا فهمنا إن فيه حاجة مش طبيعية.. حتى كنت بقول إن أنا الممثل اللي أمه ما تعرفوش”.

وأضاف أنها تعلمت القراءة والكتابة من أجله، حيث قال: “أمي كانت بتخرج ومش عارف بتروح فين أتاريها كانت بتتعلم القراية والكتابة عشاني أنا راحت محو أمية.. عشان لما حد يكلمها في شغل ليا تكتب ده.. رجعت في مرة لقيتها كاتبة لي علي عبد الخالق اتصل بك.. عشان تبلغني.. قد إيه شيلتها.. عارفة الجملة بتاعت يجعله آخر الأحزان.. موت الأم هو آخر الأحزان يا راغدة”.