إيناس الدغيدي تكشف ميول تامر حبيب: حياته الشخصية مالناش علاقة بيها.. وقولتله نتجوز عشان أبعد عنه كلام كتير
أثارت المخرجة إيناس الدغيدي، ضجة كبيرة بسبب تصريحاتها التي أدلت بها خلال ندوة صحفية شاركت بها، وتحدثت خلالها عن السيناريست تامر حبيب.
وقالت إيناس: “تامر حبيب أنا بحبه لإنه شخصية جميلة وقريبة مننا كلنا وإحنا كلنا بنحب تامر حبيب.. فيعني أنا بس ببعد عنه كلام كتير فبقوله أتجوزك يعني بس والله تامر شخصية جميلة”.
وأضافت: “بص تامر شخصية لها طبعًا أكيد أكيد ممكن يكون لتامر حبيب شخصية خاصة لنفسه وحياته وتركيبته وبتاع.. بس هو في التعاملات مع الناس إحنا ليه دايما بنبص لحاجات يعني ما تخصناش أوي يعني بص النهارده أديك شايف العالم كله متجه لإيه بيدوا الأطفال دلوقتي مش عارفة إيه.. أنا شايفة الموضوعات دي كل واحد حر هي مش طبيعية لو حصلت واتوجدت في حد مش هتعرف ترفضه حتى لو رفضته”.
وتابعت: “أنا ليا علاقات صحاب أوي جدعان معايا.. طول عمري من وأنا صغيرة شايفاهم وكانوا ناس مهمين رسامين ناس من عندنا من الفن كان فيه كانوا مهمين ما كانوش بيقولوا بس إحنا كنا بنبقى عارفين ومكناش بنتكلم في الموضوع إحنا مالناش دعوة.. المهم علاقته بيك إيه.. وكان فيه كتير من بتوع الأزياء في السينما عندهم نفس الصفة وكنا بنتعامل معاهم وبنجيبهم وكان في مخرجين كمان فإحنا شايفين العالم ده قصادنا فبالتالي انت بقى علاقتك بيه إيه.. لو هو معاك وحش ارفضه لو هو طبعًا إنسان كويس من الناحية الإنسانية خلاص”.
وأختتمت حديثها قائلة: “فأنا شايفة إن تامر حبيب إنسان محبوب جدًا في الوسط السينمائي.. حياته الشخصية دي حاجة بتاعته مالناش علاقة بيها ما أذناش في أي تصرف ما أذناش بأي تصرف غلط قصادنا وإحنا بالتالي بنحبه وهو سيناريست محترم يعني في كتابته يعني محدش يقدر يقول حاجة الولد عمل كام حاجة حلوة وربنا يوفقه ويبعد عنه العيون الوحشة”.
