حل الفنان والسيناريست تامر عبد المنعم، ضيفًا على الإعلامية لبنى عسل، في أحدث حلقات برنامج “الحياة اليوم”.
وتحدث عبد المنعم، مدير عام الثقافة السينمائية والمدير التنفيذي لسينما الشعب، عن ثورة 30 يونيو في الذكرى العاشرة لها، قائلًا: “لولا 30 يونيو ما جلسنا اليوم وما كان هناك سينما شعب وما كان هناك قوة مصر الناعمة وما كانش هيبقى فيه أي حاجة خالص”.
وأضاف: “في تصوري ورأيي المتواضع أن ثورة 30 يونيو الثورة الأعظم والثورة الشعبية الأكبر في تاريخ مصر كمًا وكيفًا إزاي مؤسسات الدولة تضافرت مع هذا الشعب العريض اللي رفض أصل إحنا رفضنا.. ما استحملناش الحالة دي إحنا شوفنا البسيط مننا والغني مننا والفقير والوزير كل الطبقات كله خاف.. وكله شعر إن مصر بتتخطف”.
وتابع: “فوقف الشعب ووقفت مؤسساته على راسها طبعًا القوات المسلحة المصرية والشرطة المصرية والقضاء وغيرهم من المؤسسات العريقة لإننا في دولة مؤسسات.. حتى في هذا العام الأسود اللي مش عايز أفتكره اللي شال مصر دولة المؤسسات وطلع من السماء كده من حقق المطلب وما ننساش بيان 3 يوليو وظهر الرئيس عبد الفتاح السيسي ليعيد الهيبة ويعيد الدولة ويعيد الأمور لنصابها ولولا هذا الظهور لكان اليوم الدولار بـ 1500 جنيه وكان الحدود زمانها اتفتحت وكان هيبقى فيه مآسي كبيرة جدًا”.
وأردف: “لازم نفكر الناس.. ولازم ده ياخد حيز في مناهج التدريس في المراحل المبكرة الابتدائي والإعدادي لإن ده حدث لا يقل عن 6 أكتوبر.. لازم يكون فيه من دورنا أفلام وده اللي حاصل يعني لما تشوفي مجموعة (الاختيار) اللي انتجتها المتحدة ودخل فيها الشئون المعنوية بالدعم اللوجيستي اللي من غيره ما حدش يقدر ينتج الحاجات دي”.
