حل الفنان والسيناريست تامر عبد المنعم، ضيفًا على الإعلامية راغدة شلهوب، مقدمة برنامج “سابع سما” الذي يعرض عبر قناة “النهار” خلال شهر رمضان الجاري.
وتحدث عن رأي أحمد كمال، مقدم حلقات “بتاع أفلام” على اليوتيوب، في فيلمه قائلًا: “ده مش أسلوب يعني.. ممكن طارق الشناوي يكتب يشرح الفيلم أكتر من الكلام ده أكتر علميًا يعني والواحد يحترم رأيه لكن ده اسمه تنمر.. معنديش رد عليه أنا معرفش ده مين مش تقليل منه لكن رأي أوكيه”.
وأضاف تامر: “أنت مكلف روحك وجايب 730 جنيه والفيلم بطولة بيومي فؤاد طب وأنا مالي طب لو كان مؤلف غيري اللي كاتبه أو فيلم تاني جاب أقل منه زي فيلم بيومي فؤاد برضه كان اسمه شاومينج وما جابش فهو ما اتكلمش عليه اتكلم عليا أنا”.
وتابع تامر: “فيلم الشنطة ده منتجه صفوت غطاس لصالح منصة Viu حبًا في السينما قررت أنا على عكس رغبة صفوت غطاس تعالى ننزل بيه داخلي ليه ان شالله عشر نسخ عشان يخش في تاريخ السينما ما يبقاش فيلم اتعرض على منصة تعالى ننزل بيه أيًا كان اللي هيجرا”.
واستكمل تامر كلامه قائلًا: “ليه ما جابتش سيرة فيلم خالد الصاوي اللي كان نازل معاه وما حققش إيرادات ليه مركز معايا ليه أنا بالذات.. أنا معرفش مين ده أنا اللي أعرفه رأي الشارع.. الشكل اللي انتي شايفاه ده علامة استفهام.. ممكن متغاظين ما هو أنا تامر عبد المنعم برضه مين ده؟! معلش سامحيني يعني مين حضرتك أنا تامر عبد المنعم أنت مين بقى.. أه أنا يا سيدي عملت فيلم الشنطة وفيلم أمير الظلام وفيلم المشخصاتي وكلهم فشلوا بس أنا عملت انت عملت إيه برنامج ع اليوتيوب؟! أنت مين أنت بتكلم واحد معروف هو مين لما بمشي في الشارع معروف أنا مين ومعروف في بطاقتي بشتغل إيه أنت مين عملت إيه دفعت ضرايب إيه انت دفعت ضرايب قدي؟!”.
وعن جرأة الاعتراف بالفشل قال تامر عبد المنعم: “أه طبعًا عندي الجرأة أقول إني فشلت.. ونسبة الفشل والنجاح في حياتي fifty fifty.. طبعًا هو أنا إله؟! أنا عارف أنا فين كويس أوي وعارف حدودي كويس أوي وعمري ما اتخطيتها”.
