شاركت البلوجر سارة محمد، متابعيها عبر حسابها الشخصي على موقع التواصل الاجتماعي “فيس بوك” مقطع فيديو ظهرت فيه برفقة صديقتها.
ووجهت سارة، رسالة لمتابعيها من خلال الفيديو الذي شهد أحدث ظهور لها بعد الأزمة التي تعرضت لها والتي تسببت في فقدانها لبصرها، حيث قالت: “إن الانسان يكون كفيف مش معناه إنه يكون عند إعاقة”.
وأضافت: “إحنا نقدر نعمل كل حاجة.. الأعمى الحقيقي أعمى القلب.. وبعد اللي حصلي قدرت أعرف معادن الناس كويس.. وعرفت مين اللي بيحبني ومين اللي كان بيشتغلني”.
https://www.facebook.com/saramomahmoud/videos/955188482143761/
وكانت سارة، قد تعرضت لحادث منذ أسابيع قليلة على طريق مصر إسكندرية الصحراوي، تسبب في فقدان بصرها.
حيث قالت سارة، في تصريحات سابقة: “كنت مع خطيبي واليوم كان ماشي كويس.. روحت معاه محطة الرمل ووقفنا في كارفور شوية.. إحنا ساكنين في طريق القاهرة إسكندرية الصحراوي.. ناحية زاوية عبد القادر.. وفجأة وإحنا ماشيين كان في عربية بتنزنق علينا وبتحاول توقفنا”.
وأضافت: “أنا بصيت عليهم وقولت لخطيبي أوعى تقف لهم.. أجري.. ووإحنا ع الصحراوي العربية قربت مننا لقيت فيها ناس ماسكة سلاح.. ضربوا علينا نار فاتصابت في راسي وقولت لخطيبي أوعى تقف.. بعدها سمعت صوت صفارة في ودني.. ومن بعدها ما حسيتش بأي حاجة”
وتابعت أسرة البلوجر الشابة صاحبة الـ (21 سنة): “لما وصلت المستشفى دكتور المخ والأعصاب كان رافض دخولها للعمليات بسبب نزيف المخ.. وقالنا إن الحالة خطيرة جدًا ودخولها العمليات هيعرضها لخطر أكبر”.
