حلت الفنانة الكبيرة سماح أنور، ضيفة على برنامج “ضرب نار” الذي تقدمه الإعلامية داليا فؤاد، ويذاع عبر قناة “القاهرة والناس” خلال شهر رمضان 2022.
وتحدثت الفنانة سماح أنور، خلال الحلقة عن المعايير التي تضعها لنفسها في عملها، والتي جعلتها ترفض تقديم العديد من الأدوار خلال الفترة الماضية، وهي المعايير التي تضعها لنفسها منذ بداية مشوارها الفني.
وسألتها مقدمة البرنامج “إيه الدور اللي انتي عمرك ما تقبليه؟” لترد عليها الفنانة قائلة: “الحقيقة أنا ليا محاذير على المستوى الإنساني اللي بيشمل حياتي في مهنتي كمان أنا كبني آدم مهنتي جزء من حياتي لكن ما بخلنيش أتخلى عن مبادئي كإنسان عشان مهنتي أنا مش من الناس دي ومعتقدش أي حد كده.. أنا مش من الناس اللي كان عندي ارتياح أبدًا إن أنا جسمي يبقى باين أو ظاهر للناس بشكل عام حتى من غير ما أمثل خالص”.
وأضافت: “أنا طول عمري ما بحبش أتلبس علشان الناس مش مظبوطة زي الأول فالحكاية دي بتجرحني.. وكل واحد حر في حياته”.
وتابعت: “أنا دلوقتي طالما ما برضاش بحاجة أنا قررت كده سواء الناس كلها معايا أو مش معايا مش دي القصة بس أنا دلوقتي ما برضاش بحاجة ده ما يعنيش إن انتي لو بترضي بيها إن انتي وحشة وأنا كويسة ده كلام فاضي.. كل واحد حر يعمل اللي هو عايزه لكن لما نتقابل مفيش داعي نتضايق بعض بس”.
يذكر أن آخر أعمال الفنانة سماح أنور، ظهورها كضيفة شرف ضمن أحداث مسلسل “بدل الحدوتة تلاتة” للنجمة دنيا سمير غانم، والذي عرض في رمضان 2019.
