حلت الفنانة الكبيرة سلوى خطاب، ضيفة على الإعلامية ياسمين عز، في برنامجها “كلام الناس” الذي يعرض عبر قناة “MBC مصر”.
وكشفت سلوى، خلال الحلقة عن كواليس حياتها الشخصية وعلاقتها بجدها وهي طفلة، حيث قالت: “جدي كان مهتم جدًا بمذاكرتي.. يعني بيحبني لإن أنا شاطرة وبطلع الأولى ع المدرسة أو التانية بالكتير مجاميعي دايمًا عالية وكان دايمًا يحب يشجعني”.
وأضافت: “المهم جيت مرة أشتكيت قولتله جدي أنا اللغة العربية عندي معرفش إيه وبتاع كان عنده حد في الجامع جدي كان مسئول عن الجامع فقالي إن في حد من الأزهر يجي يدرسلك.. المهم كان بيجي يدرسلي 4 ساعات يعني وجدي قاعد عمال يعمل القهوة معانا برضه.. أنا ملاحظة إن 4 ساعات برضه كان وأخواتها كتير أوي فكنت بقولهم خلاص اتخنقت م اللغة العربية حرام عليكوا كتير أوي كده”.
وتابعت: “في الآخر كنت مثلًا في إعدادي مش كبيرة يعني لقيتها بتقولي إيه رأيك في الأستاذ محمد.. ربنا يديله الصحة لو كان عايش هو كان راجل محترم جدًا يعني.. قالتلي جدك بيفكر إنه قولتلها يعني إيه يفكر لأ مش هينفع يعني.. بس عادة كانت البنات عندنا بيتجوزوا صغيرين.. ونجوت بأعجوبة”.
الجدير بالذكر أن الفنانة سلوى خطاب، تصور حاليًا مشاهدها في مسلسل “رمضان كريم ج2” المقرر عرضه في شهر رمضان 2023، وتقدم فيه دور (المعلمة سميرة) صاحبة مقهى بالحارة.
