ردت ريم طارق، طليقة مؤدي أغاني المهرجانات حسن شاكوش، على اتهامه لها بتزوير وثيقة زواجهما، وعدم علمه بزيجتها الأولى.
حيث قالت خلال حلولها ضيفة على الإعلامية بسمة وهبة، في أحدث حلقات برنامج “90 دقيقة” الذي يعرض عبر قناة “المحور”: “حسن كان عارف إني أتجوزت قبل كده.. واللي حصل إن هو سأل عليا من 3 سنين قالوله دي بتتجوز قالهم البنت الفلانة الفلانية قالوله دي بتحضر لفرحها.. ولما عرف بعد كده إن حصل مشاكل وأنا انفصلت جه واتقدم هو ده اللي حصل لكن أنا ماكنتش على علاقة بيه ولا صلة بيه ولا أنا اتعرفت عليه من خلال السوشيال ميديا فضحكت عليه.. هو جايلي أصلًا عن طريق أهله وأهلي”.
وأضافت: “وأهله عارفين إن أنا كنت متجوزة وهما كانوا معترضين على فكرة البنت المنفصلة أو هو كان عايز يبين للناس إن أهلي مش حابين ده.. عشان حاجة عايز يخفيها مش عارفة هي إيه”.
وتابعت: “أهله الأول كانوا متعاطفين جدًا معايا وكنا على اتصال دايمًا أنا مش عارفة إيه اللي حصل.. اللي حصل إن أنا فجأة لقيتهم بيهاجموني بعد ما كانوا معايا مش ضدي بعد كده اكتشفت إن فيه ناس بتبين لهم إن أنا بشتمهم.. اتعمل أكونتات فيك من حد عنده حسن ونزل صورنا أنا معنديش مشكلة مع أي حد منهم.. اتشتمت مديرين أعماله اتشتم اخواته اتشتم مامته”.
