كشف الفنان رضا حامد، عن كواليس تعاونه مع الزعيم عادل إمام، أثناء عرض مسرحية “بودي جارد” في أواخر التسعينيات.
وأُثار حامد، جدلًا واسعًا بسبب التصريح الصادم الذي قاله عن النجم الكبير عادل إمام، خلال حلوله ضيفًا على الإعلامية راغدة شلهوب، مقدمة برنامج “نص الكلام” الذي يعرض عبر قناة “الحياة”.
حيث قال حامد: “لو قولت كلام مش حقيقي هبقى وحش أوي.. ولو قولت كلام حقيقي هندم ليه وخاصة إن أنا لم أجرح الأستاذ عادل إطلاقًا ولم أقل عليه إلا أنه رمز من رموز الفن الشامخ وراجل رحلته عظيمة ويكاد يكون هرم محصلش في الفن هقول كده.. ولما أقول موقف حصل بيني وبينه هبقى أنا راجل وحش؟”.
وردًا على تصريحه الذي قال فيه أن الزعيم لا يحب ظهور أحد بجانبه، قائلًا: “أنا قولت يا جماعة الأستاذ عادل ده نجم كبير جدًا ومن حقه يحافظ على نجوميته بالطريقة اللي هو شايفها اللي هيعمله قلق شوية مع السلامة بقى.. دي تركيبة هو متعود عليها من صغره وبيحافظ عليها وهو عنده إحساس إن هو ده هو اللي مخليه في الفوكس أوي”.
وتابع: “أنا اشتغلت مع سمير غانم كان بيقولي حاجات الفرق فظيع كان بيخليني أعمل اللي أنا عايزه ويزودني يقولي ما تقولنا كمان كذا.. التاني لأ أستاذ عادل في حاجات محددة متفقين عليها نعملها.. رغم إن أنا قعدت ارتجل وعملت حاجات ضخمة جدًا في الفترة دي هو بيبقى في أوضته.. فلما بيسمع بقى الشوية اللي أنا مع أستاذ سعيد عبد الغني فبيسمع ضحك جامد جدًا فبيجي عشان يشوف إيه الحكاية.. فده طبعًا يقلقه بدليل إن أنا سمعته من جميع الناس اللي حواليا”
