“لازم نناقش قوانين الأحوال الشخصية من تاني”.. رانيا يوسف لـ الرجال: «لازم يعملوا أبديت والستات استرجلت لما الرجالة خابت»
أثارت الفنانة رانيا يوسف، الكثير من الجدل خلال الساعات القليلة الماضية، بعدما قامت بالدفاع عن حقوق المرأة ومُهاجمة الرجل، وطالبت الجنس الآخر بعمل “أبديت”على حد تعبيرها.
وأكدت الفنانة، خلال تصريحاتها لـ برنامج “et بالعربي”: “ضروري إننا نناقش القوانين الخاصة بالأحوال الشخصية من تاني، وده زي مسلسل (تحت الوصاية)، واللي نجح في عمل خطوة هامة جداً بخصوص قانون الوصاية”.
وواصلت رانيا: “وكل القوانين التي تخص المرأة ضروري يتعملها حاجة اسمها تحديث، وده بمعنى إن البشر بتعمل تحديث وخصوصاً الرجالة بعد ظلمها للسيدات، وكمان النساء بردوا يتعملهم نفس التحديث اللي بتكلم عنه”.
وكشفت الفنانة، عن حبها الشديد في عمل جلسات التصوير، وعلقت: “أكيد أنا بحب أوي أعمل جلسات التصوير، وتحديداً بحب أعملها في لبنان، وده بيكون بسبب المناظر الطبيعية الجميلة اللي موجودة هناك، وكمان وجود الجبال بشكل غاية في الجمال”.
كما تحدثت رانيا، عن أزمتها مع طليقها المنتج محمد مختار، موضحة: “أبو بناتي لسه متغيرش، وهو زي ما هو في تقصير من ناحيته من جانب الوقت والفلوس، وهو لما بيشوفني قوية وجامدة ومستقلة وفي إستطاعتي التحمل بيرمي الحمل كله عليا، وإحنا طبعنا كستات لما بنلاقي الراجل راميها بنكون الراجل والست في نفس الوقت، وهى دي المشكلة وبعدها يقولوا إن الستات بتسترجل، وده علشان للأسف الشديد الرجالة خابت على الآخر”.
وجديراً بالذكر، بان الفنانة رانيا يوسف شاركت مؤخراً بمسلسل “عالم تاني”، وحققت الفنانة الكثير من النجاح خلال العمل، وشاركها البطولة مجموعة كبيرة من نجوم الفن أبرزهم “فريال يوسف، ونضال الشافعي، وتميم عبده، وصوفية، ومصطفى حشيش، وحسام فارس، وأيمن عزب، ومروة عبدالمنعم، وسميرة صدقي، وإلهام عبدالبديع”، وغيرهم، والعمل تأليف إسلام يوسف وإخراج عبدالعزيز حشاد.
