حلت الفنانة رانيا يوسف، ضيفة في أحدث حلقات برنامج “Arabwood” الذي يعرض عبر قناة “روتانا سينما”.
وتحدثت رانيا، خلال الحلقة حول فكرة الزواج حيث قالت: “انتي شايفة التجارب اللي حوالينا مثمرة أوي يعني انتي شايفة نسبة الطلاق ما شاء الله 90 % بتشجعني يعني.. ما بفكرش في الموضوع والموضوع ده انتهى من حياتي خالص”.
وعن إثاراتها للجدل بسبب أرائها الصادمة وإطلالاتها الجريئة قالت: “هو أنا الحقيقة ما بعملش حاجة خالص هما اللي مركزين معايا معرفش ليه أنا مبعملش حاجة خالص بالعكس أنا بشتغل في حالي جدًا وماليش دخل بحد حياتي هادية حتى ماليش اجتماعيات كتير معرفش ليه دايما الناس بتبقى مركزة معايا بس ده كويس مش وحش يعني”.
وأضافت: “الجدل ده لطيف الناس اللي بتقعد تتكلم وتقول حاجات كده ده لطيف مش وحش”.
وعن آراء الجمهور حول مسلسل “الآنسة فرح – ج5” قالت: “الحمد لله ردود الفعل كويسة أوي ودي حاجة بسطاني لإن ده الجزء الخامس وعادة المسلسلات اللي بتبقى أجزاء عادة الأجزاء التانية والتالتة ما بتنجحش زي الجزء الأول”.
