كشفت الفنانة رانيا يوسف، عن عدد أزواجها في تصريحات تليفزيونية قالت فيها: “كنت عاطفية جدًا بزيادة.. كنت بدلدق عواطف دلوقتي بعمل سيطرة على عواطفي”.
وأضافت: “لإن من كتر الصدمات من كتر الأذية من الناس بتكتشفي إن الناس ما بتستحقش طول الوقت إن انتي تبقي حنينة أوي كده وإن انتي تبقي عاطفية أوي كده.. بتتفهمي غلط.. بيتفهم إن ده ضعف.. بيتفهم حاجات كتير أوي كل واحد بيفهمه بطريقته”.
وعن أكثر شخص كسر قلبها، قالت: “كتير رجالة وستات الحقيقة.. يعني صحبات ناس كنت فاكراهم قريبين.. صاحبة كنت فاكرة إني بحبها وبعتبرها أختي فجأة ألاقيها اتغيرت.. وبرضه كان فيه رجالة لطاف ساعات بقول يمكن هو ده النصيب.. أو يمكن أنا برضه ما كانش عندي الخبرة الكافية إن أنا أحتوي الراجل ده أو إن أنا أفهمه”.
وأعلنت رانيا، عن عدد أزواجها قائلة: “لغاية دلوقتي 3 أتجوزتهم.. بره الجواز حوالي 2 أو 3.. كلهم 5 أو 6.. يعني قبل ما أتجوز محمد مختار كان فيه علاقتين خطوبة وعلاقة قراية فاتحة يعني كانت بتوصل إنها ارتباط بشكل رسمي وبعدين ما بنكملش”.
