كشف المطرب والملحن رامي صبري، عن وجود علاقات نسائية له قبل الزواج، حيث قال في تصريحات تليفزيونية: “قبل الجواز طبعًا كان فيه.. بصراحة كتير.. بس مش لدرجة ما يتعدوش.. لكن بعد الجواز ما أقدرش أخون مراتي معنديش الكلام ده.. أنا بحب مراتي جدًا.. بحب عيالي جدًا.. بحب شغلي جدًا.. ما بحبش حاجة تاني”.
وعن احتياجه للمساعدة من شخص ما، قال المطرب رامي صبري: “ربنا مفيش أحسن منه بيساعدني.. في ناس كتير في حياتي ساعدتني كتير.. أول ألبوم أصلًا عملته في حياتي الشعرا اللي كتبولي الأغاني كلها والموزع طارق توكل صاحبي اللي دلوقتي بيعملي شغلي كل دول ما خدوش مني فلوس مش ساعدوني برضه”.
وكشف رامي، أنه كانت تربطه علاقة عاطفية براقصة باليه ولكنها توفت، حيث قال: “كنت بحب واحدة بلارينا توفت الله يرحمها.. دي اللي غنت لها حبيبي الأولاني.. دي أكتر حاجة أثرت عليا في حياتي.. أنا كنت بعمل كل حاجة عشانها.. بتصعب عليا جدًا عشان كان ليها ظروف وحشة.. ظروف خليتها تتخطب لحد غصب عنها وحاولت تنتحر في مرة مشيت معاها”.
