طرحت قناة “القاهرة والناس” عبر حسابها الرسمي على موقع “يوتيوب” مقطع فيديو من كواليس حلقة مؤدي أغاني المهرجانات عمر كمال، المنتظرة في برنامج “حبر سري” الذي تقدمه الإعلامية أسما إبراهيم، والمقرر عرضها في ليلة رأس السنة.
وتحدث كمال، خلال المقطع عن والده، حيث جاء رده على سؤال: “ليه مفيش أي صورة ليك أنت ووالدك؟” كالآتي: “عشان ما لحقتوش.. ما لحقتش أعيش معاه.. مات وأنا صغير وبعدين أنا طول عمري بحمد ربنا طول عمري كنت شغال من صغري شقيان.. فأبويا ده ما كنتش بشوفه غير ع النوم.. إن أنا أرجع وأبويا ده بيكون نايم عشان يصحى 6 الصبح.. كان شغال لحّام.. بيلحم مواسير”.
وأضاف: “واللي فاكره عنه كان بيرجع وشه أحمر جدًا من الشمس.. وأبويا على فكرة مات في الشغل.. وده ليا الشرف يعني أبويا مات بسكتة قلبية وهو في شغله.. فأنا ماليش صورة مع أبويا عشان أنا مالحقتش أعيش يعني أخد من حنيته كتير”.
الجدير بالذكر أن آخر أعمال عمر كمال، أغنية “خلينا سهرانين” التي طرحها عبر قناته الرسمية على موقع “يوتيوب” منذ حوالي 3 أشهر، من كلمات وألحان عمرو قطب، وحققت نسبة مشاهدة مرتفعة اقتربت من 2 مليون مشاهدة.
