ألفت عمر عن فكرة عدم عمل المرأة: «مفيش رجالة والستات هما اللي سايقين الدنيا وكتير منهم بيصرفوا على رجالتهم»
قامت الفنانة المعروفة ألفت عمر، بالتعليق على فكرة عدم عمل المرأة وحصر دورها في تأدية واجباتها المنزلية فقط، حيث أنها رفضت هذه الفكرة نهائياً، وأشارت بأن هناك الكثير من السيدات اللواتي تفوقن على الرجال في عملهن على حسب ما قالته، مؤكد بأن هناك العديد من الرجال لا يعملون حالياً ويأخذون مصاريفهم من زوجاتهم.
وأكدت الفنانة، خلال تصريحات تليفزيونية:ـ “السيدات هن القائمات على العمل، ودلوقتي هما اللي بيسوقوا الدنيا.. مفيش رجالة، وده علشان أنا ضد فكرة إننا نحصر المرأة في دائرة مُغلقة، وعلى فكرة الستات مقعدة بعض الرجالة في بيوتهم، وكمان في رجال مش بتشتغل وبتاخد القبض الخاص بزوجاتهم.. أنا مش بهزر في رجالة كتير خايبه، وستاتهم اللي بيصرفوا عليهم أخيب منهم”.
وواصلت ألفت:ـ “وبجد أنا ضد فكرة الفرعون والكلام ده مش بيعجبني خالص، وأي حاجة بتكون زيادة عن اللازم مش بحبها، وأنا مش بفكر في التريند.. أنا بتكلم عن واقع ملموس، ومينفعش أطلع للناس وأضحك عليهم علشان أكسب فلوس”.
وتابعت الفنانة:ـ “ولو أنا حابه أعمل الموضوع ده كان زماني أشهر واحدة، ولكني مش بحب فكرة إني أخدع المشاهد.. ربنا هياحسبني لو عملت كده، وكتير من الناس مش واعية للكلام ده”.
وجديراً بالذكر، بأن الفنان ألفت عمر كشفت مؤخراً عن سبب قلة أعمالها الفنية، مؤكدة بأن السبب في ذلك بعض الأزمات التي تعرضت لها خلال حياتها الشخصية، إلى جانب تعرضها للكثير من الشائعات بخصوص إعتزالها العمل بالتمثيل، وهو ما نفته الفنانة.
