كشفت الفنانة نجلاء بدر، عن معاناة الفنانين، حيث قالت في تصريحات صحفية على هامش حضورها مهرجان أسوان الدولي لأفلام المرأة، في دورته السابعة والتي تقام في الفترة من 5 حتى 10 مارس الجاري: “الناس فاكرة إن الفنان بياخد ملايين ودي مش الحقيقة”.
وأضافت: “إحنا زينا زي باقي الناس.. والملايين دي اللي بياخدها نسبة قليلة جدًا من الفنانين.. والباقي بياخد أجور عادية.. والفنان ممكن يقدم عمل واحد كل سنتين وده بيكون مصاريف السنتين بعد ما بيتخصم منه الأقساط اللي عليه والضرايب اللي بيدفعها”.
وتابعت: “الأقساط بقت حمل كبير وأنا بشفق على كل الناس لإن اللي داخل خارج.. وربنا يعين المواطن المصري والحمد لله إننا داخلين على رمضان لإن الخير بيزيد فيه وكلنا بنساعد بعض وبنقف جنب بعض فيه”.
وتشارك الفنانة نجلاء بدر، في الموسم الرمضاني المقبل بمسلسلي “سره الباتع”، و”رمضان كريم ج2”.
“سره الباتع” بطولة: أحمد فهمي، وأحمد صلاح السعدني، وريم مصطفى، وحنان مطاوع، وخالد الصاوي، وعمرو عبد الجليل، وأحمد عبد العزيز، وصلاح عبد الله وهالة صدقي، وحسين فهمي، ومحمود قابيل، وأحمد وفيق، عن قصة الأديب الراحل يوسف إدريس، وسيناريو وحوار وإخراج: خالد يوسف.
“رمضان كريم ج2” بطولة: سيد رجب، وبيومي فؤاد، ونجلاء بدر، وسلوى خطاب، ومحمد لطفي، وسلوى عثمان، وأحمد صيام، وسلوى محمد علي، وكريم عفيفي، من تأليف: أحمد عبد الله، وإخراج: سامح عبد العزيز.
