كشفت الفنانة نادين، عن كواليس ترشيحها للمشاركة في بطولة مسلسل “ليه لأ ج3” الذي يعرض حاليًا عبر منصة “شاهد VIP”.
حيث قالت نادين، في تصريحات صحفية: “الترشيح جه من مخرجة العمل نادين خان.. بعد ما أشتغلت معاها في مسلسل (مين قال) اللي اتعرض في رمضان قبل اللي فات”.
وأضافت: “المسلسل مش بيطرح قضية هو بيطرح حالة.. ست مطلقة وعايزة تتجوز مرة تانية.. فين بقى القضية اللي بنطرحها؟! دي مجموعة حالات الأرملة والمطلقة وهكذا”.
وتابعت: “المجتمع بتاعنا بيرفض حاجات كتير مش من حقه إنه يرفضها.. وبيتقبل برضه حاجات غريبة كتير.. ولو مشينا ورا خطاه مش هنعيش حياة سعيدة.. المفروض اللي شايف حاجة صح يعملها وخلاص لإن في الآخر إحنا أحرار ودي حياتنا”.
وأردفت: “إرضاء المجتمع ده شيء نسبي.. والمفروض ندور ع السعادة.. ونشوف مصلحتنا فين.. وإن الست تتجوز مرة تانية مش حاجة عجيبة يعني”.
“ليه لأ ج3” بطولة: نيللي كريم، وأحمد طارق، ومعتز هشام، ونادين، وعايدة رياض، وصلاح عبد الله، وآلاء سنان، وحازم سمير، هديل حسن، وأمير صلاح، وفريدة رجب، وسامية أسعد، وحنين سعيد، وچيدا منصور، ومروان وليد، وريم عامر، ولارا تاكي، ويوسف وهبي، ويوسف عمر، ونبيل علي ماهر، وفاتن واصل، عن فكرة: سارة الطوبجي، وسيناريو وحوار: سارة الطوبجي، وسلمى عبد الوهاب، وبولا ثابت، وإيمان صالح، تحت إشراف (ورشة سرد – مريم نعوم)، وإخراج: نادين خان.
