تصدر اسم سيدة الأعمال ندى الكامل، طليقة الفنان أحمد الفيشاوي، قوائم التريند على مواقع التواصل الاجتماعي، ونتائج البحث عبر محرك البحث الشهير “جوجل” عقب مداخلتها الهاتفية مع الإعلامي عمرو أديب، مقدم برنامج “الحكاية” الذي يعرض عبر قناة “MBC مصر”، والتي تحدثت خلالها على أزمتها مع الداعية مظهر شاهين، إمام مسجد عمر مكرم، بشأن زواج المساكنة.
ورفضت ندى، اعتذار شاهين، على تصريحاته المثيرة للجدل بشأنها، قائلة: “لقيت الأستاذ بيقولي أنا نافخة وعاملة بوتوكس وعاملة فيلر.. انت حضرتك مركز فيا ولا مركز في كلامي اللي أنا بقوله؟ وطبعًا أنا خرجت بره شعوري خرجت بره أعصابي ودخل يقول سمعته عند حضرتك امبارح بيتكلم بيقول أنا بدافع عن الدين وبدافع عن أخلاقيات وبدافع عن كل حاجة.. انت ليه بتدخلني في دايرة أنا مش فيها أصلًا”.
وأضافت ندى: “الموضوع بالنسبة لي قضية فكرية انسانية بحتة.. والموضوع ما كانش بالنسبة له قضية انسانية الموضوع جابه في إن هو نقاش ديني حاد ما بين حد اللي هو مش فاهم في الدين اللي هو أنا وده مش صح أصلًا وبين اللي هو راجل عالم كبير.. حضرتك انت ؤ أو ترد عليا رد غير لائق بجسمي انت مالكش دعوة دي مش شغلانتك أصلًا دي شغلانة دكاترة التجميل”.
وتابعت ندى: “ده اعتذار غير مقبول بالمرة لإن أنا جالي كلام يا أستاذ عمرو في ناس بتقولي إن أنا ملحدة.. لأ يا استاذ انت خليت الناس تقول عليا ملحدة ومرتين في البوست بتاعك اللي انت قولت مش هترد عليا فيه رديت عليا فيهم في 15 سطر. لو انت مكنتش هترد عليا كنت هترد عليا في قد إيه؟ وامبارح بيقول أنا بخاف على الفتنة والدين.. الفتنة إيه؟ حضرتك اللي مفتون”.
وأشارت ندى إلى أنها لا تؤمن بموضوع المساكنة، قائلة: “الموضوع خلص وأنا في ناس كتير كلموني وأنا حبيت أخلص الموضوع مع حضرتك لإن حضرتك تعرفني وعارف كويس أوي إن أنا مش هدخل في مهاترات تانية مع ده ولا مع غيره.. وقبل ما أنهي كلامي مع حضرتك خلاني أوصل للدرجة دي وأنزل للطريقة دي على الأقل أنا بني آدمة مواطنة عادية لكن حضرتك شيخ مش المفروض تقولي الكلام ده”.
واختتمت ندى، حديثها قائلة: “الشخص ده أو الإنسان ده أنا جالي منه تجاوزات شخصية وأترفع إن أنا أرد عليها دلوقتي أو بعدين وأنا مش هتكلم فيها”.
