ميمي جمال عن فيلم أصحاب ولّا أعز: ترابيزة عليها 8 عاهات.. ومش هو ده اللي متعوداه من منى زكي

حلت الفنانة القديرة ميمي جمال، ضيفة على برنامج “سابع سما” الذي تقدمه الإعلامية راغدة شلهوب، ويذاع عبر قناة “النهار” خلال شهر رمضان الجاري.

وكشفت ميمي، عن رأيها في فيلم “أصحاب ولّا أعز” الذي قامت ببطولته النجمة منى زكي، وأثار ضجة كبيرة خلال الفترة الماضية، حيث قالت: “منى زكي كويسة كممثلة.. لكن الفيلم الأخراني ده لأ هقول حاجة واحدة بس سوء اختيار.. إحنا كنا في زمن في ميكرو جيب ومايوه وكله.. بس اللي الناس واخداه عن منى إنها بنت بونبوناية كده وبتعمل الأدوار اللي بتخش القلب يمكن أنا استغربت شوية مش هو ده اللي أنا متعوداه منها”.

وأضافت ميمي: “هي حبت تعمل حاجة جديدة واخدة بالك وإحنا في حاجة اسمها طبع وحاجة اسمها تطبع احنا لينا طبع هما الأفلام دي عايزين يطبعونا بطبع مش بتاعنا شوية يعني أنا استغربته شوية”، لتسألها مقدمة البرنامج: “طب والأفلام القديمة؟ ده طبعنا؟” وردت عليها ميمي: “كله طب تعالي قوليلي في إيه؟ في موقف مثلًا بين راجل وست يقوم جايبين فنجان قهوة وفارت القهوة.. الموجة بتاعت البحر عملت طش كده.. تعرفي إن في حاجة حصلت في ايحاءات للشيء”.

وتابعت ميمي: “هنا مفيش قبلات بس في ترابيزة عليها 8 عاهات كلهم فيهم عيوب يعني إحنا شوفنا عمارة يعقوبيان مثلًا لقينا فيه مشكلة بتاعت خالد الصاوي اللي كان عامل فيها الشخصية دي لكن انتي بتتفرجي على بقيت الفيلم.. فيلم فيه مليون شخصية إنما هنا انتي قاعدة على ترابيزة كلهم مع بعض.. هو أنا لازم أجمع كل النماذج دي في حتة واحدة؟! عشان أجيب من الآخر أنا بسمي ده سوء اختيار لكن هي كممثلة طبعًا هي مثلت الدور كما يجب عملته تمام صح ليه لأن الشخصية كده عملتها مظبوط بس أنا استغربتها”.