علق المطرب محمد فؤاد، في تصريحات تليفزيونية على اتهامه بالتناقض بعد موقفه المعادي لثورة يناير 2011 وتقديمه أغنية للثوار بعنوان “بشبه عليك”.
حيث قال: “أنا بتكلم على كل شهيد وقع في مصر ده اللي بشبه عليه.. هو ده اللي بشبه عليه.. نفسه بلده تبقى وردة زي الفل.. نفسه يشوفها أحلى بلد في الدنيا.. بيقول تغيير وحقه.. مين قال إن أنا ضد التغيير؟”.
وأضاف: “أول واحد نادى بتغيير الفساد محمد فؤاد.. قبل أي حد تقدري تقوليلي انت بتقول عليه كلمة في أغنية (يا عيني عيلنا منك يا مدينة مجنونة ورزينة وفيكي البدع.. ماشيين بالتكالة وبألفين مقالة بالزيف والأصالة وبضرب الودع)”.
وتابع: “ده في عز مانا بلعب كرة مع علاء مبارك.. لا عملت خاطر لعلاء مبارك ولا لحد تاني.. عند الحق بقولك أقول الحق غصب عن أي حد في الدنيا.. أنا هتحاسب قدام ربنا لا داخل معايا أبويا ولا أخويا ولا علاء ولا حسني ومبارك ولا اللي جاي واللي راح ولا أي حد هيعرف ينجدني من اللي ربنا هيحاسبني على اللي أنا عملته”.
