كشف المطرب محمد فؤاد، في تصريحات تليفزيونية كواليس حفل عيد ميلاد منة فضالي، الشهير والذي أثار ضجة كبيرة منذ عدة سنوات.
وهو الحفل الذي ظهرت فيه الفنانة منة فضالي، بملابس جريئة في أحضان عدد من الفنانين أبرزهم المطرب محمد فؤاد، مما عرضه للانتقادات الشديدة من قبل جمهوره.
وقال فؤاد، عن كواليس الواقعة: “خرجت من عيد ميلاد واحدة اتزقت عليا.. عملت نفسها بتقع وخمس كاميرات فلاشات الدنيا كلها بتضرب فجأة ففهمت الفيلم معمول إزاي”.
وأضاف: “ربنا يسامحها هي اعتذرت بما فيه الكفاية.. ربنا يسامحها ومفيش مشاكل.. وهي أختي مفيش بيني وبينها أي حاجة.. والله العظيم تلاتة 500 كاميرا واقفة.. ففهمت الموضوع وقولتلها كده غلط يا منة.. قالتلي والله مش عارفة جم منين”.
وتابع: “طلعت أنا وشاب لسه بيمثل معايا في المسلسل طالع أخويا أحمد عبد العزيز.. المسلسل كان في رمضان مكسر الدنيا.. خدي بالك من التواريخ بقى.. وبعد العيد على طول الموضوع ده خلص عرض المسلسل.. المسلسل أعلى مشاهدة نمرة واحد اتنين تلاتة.. المهم من أهم الحاجات اللي في رمضان مفيش واحد كلف خاطره يكتب عليه كلمة”، في إشارة إلى مسلسله الشهير “أغلى من حياتي” الذي عرض في 2010 وحقق نجاحًا كبيرًا.
واستكمل: “وأنا بقولهم موتوا بغيظكوا اتفرسوا.. ما بخافش من حد.. أكتب وفيه معاني كويسة ده واحد بيربي أخواته.. عايزني أطلع لك أعمل إيه؟ وقولتها في مؤتمر صحفي في أول يوم تصوير قالولي هتطلع فقير قولتلهم يا جماعة البلد تلت أرباعها فقرا عايزيني أطلع إيه رجل أعمال؟ أنا شكلي ده يطلع رجل أعمال.. معتقدش رجل الأعمال محتاج محمد فؤاد يعمل عنه مسلسل”.
