كشفت الفنانة ميرهان حسين، عن خوفها الشديد من الحسد، خلال لقائها أمس الجمعة ببرنامج “كلام الناس”، الذي تقدمه الإعلامية ياسمين عز، ويعرض عبر قناة “MBC مصر”.
حيث قالت ياسمين عز، لضيفتها: “قالولي إنك بتخافي على حاجتين.. شعرك وضوافرك.. قد كده بتخافي م الحسد؟ يعني شعرك ما شاء الله ما شاء الله.. الله أكبر من زمان معروفة من أيام ستار أكاديمي إن شعرها كمان كان أتقل وأطول وضوافرك”.
لترد ميرهان، قائلة: “ما شاء الله.. الله أكبر.. مش قصدي عليكي يا حبيبتي.. هو طبعًا أنا بؤمن بالحسد وبالعين وكمان فيه ناس بيبقى نجمها خفيف.. يعني في ناس تلاقيها.. فأنا يمكن الحاجتين دول لاحظت أكتر من مرة إن لما حد بيعلق لي يحصل حاجة.. وكمان لاحظت إن دايمًا البنات لما يجوا يسلموا عليا ألاقي دايمًا بتحط إيدها في شعري.. تشوف هنا في اكستنشن ولا لأ.. فأنا كنت بتضايق وأقول لأ شعري وبتاع.. لحد ما الراكور بتاعي في مرة قالي قولي إنه اكستنشن”.
وأضافت: “لأ هو فيه حسد وفيه ناس نجمها خفيف أكتر من ناس.. ولما واحدة بتعلق على ضوافري.. هي شكلها كإنها متركبة فبيفتكروا كده أو لما حد يشوفها يحصل حاجة”.
وتابعت: “برضه عايز أقول لحبايبنا والناس اللي عندنا ع السوشيال ميديا بيقولوا كلام حلو بس أنا ببقى عايزة أقولهم قولوا ما شاء الله قولوا الله أكبر.. ابتدوا بس قبل ما تقولوا على حاجة حلوة قولوا بسم الله ما شاء الله.. لا حول ولا قوة إلا بالله”.
