أعربت الفنانة منة عرفة، عن ندمها على تقصيرها في حق نفسها طوال الفترة الماضية من خلال تصريحات تليفزيونية قالت فيها: “أنا زعلانة من نفسي شوية عشان قصرت في حاجات كتير.. بس ملحوقة”.
وتحدثت عن طليقها محمود المهدي، قائلة: “المرحلة اللي فاتت كانت صعبة.. مفيش حد يحب إنه يتعلق بحد والموضوع ما يكملش مفيش حد يحب كده أكيد”.
وأضافت: “ممكن يكون في مشاكل حصلت وكذا وكذا وكل الحاجات دي.. ولكن بيفضل الشخص انتي لو ربيتي قطة والقطة دي تعبت أو ماتت هتزعلي عليها وتحزني ما بالك بني آدم.. ما بالك شخص في بينكوا تفاصيل كتير؟! أكيد أنا زعلانة ولكن يعني على فكرة أنا بحبه جدًا وبكن له كل الحب والاحترام”.
وتابعت: “حسيت إن إحنا اتجوزنا أكتر من سنة.. لإن في حاجات كتير حصلت في السنة دي.. لما راجعت الفترة اللي فاتت دي بقيت عمالة أفكر مع نفسي وأقول معقول كل ده حصل في سنة! مش كلها طبعًا حاجات وحشة.. أنا حياتي مش مملة أبدًا دايمًا عندي أحداث ومش كلها حاجات وحشة.. بالعكس إحنا فيه ما بينا حاجات حلوة وفي حاجات وحشة زي أي اتنين”.
