ميار الببلاوي عن إيناس الدغيدي: يمكن ربنا لو ما كانش حطها في طريقي ما كانش حصل اللي حصل

تحدثت الفنانة المعتزلة ميار الببلاوي، عن المخرجة إيناس الدغيدي، وكواليس العمل معها في فيلم “ديسكو ديسكو”.

حيث قالت ميار الببلاوي، في تصريحات تليفزيونية عن إيناس الدغيدي مخرجة فيلمها الشهير الذي احتوى على عدد من المشاهد الجريئة لها: “يمكن ربنا لو ما كانش حطها في طريقي ما كانش حصل اللي حصل”.

وأضافت: “كنت موافقة عليه بس برضه مش حابة وبعدين كمان أنا ما ارتاحتش معاها في اللوكيشن من كتر الزعيق والبهدلة اتبهدلت كانت عنيفة معايا جدًا لإني كنت بعترض إن أنا أعمل المشاهد.. فكانت متضايقة جدًا إن أنا يعني انتي وافقتي ع الفيلم فبصراحة اتصدمت إن المشاهد تتعمل كده.. وطلعت عينها بصراحة في الفيلم”.

وتابعت: “مرة بهدلتني.. كنا بنصور على كورنيش المعادي وأنا بصور مسلسل تاني ومتأخرة عملت فيا اللي ما يتعملش.. انتي مين عشان تتأخري أنا هعمل وأسوي وهشيلك اليوم”.

كانت الفنانة المعتزلة ميار الببلاوي، قد أثارت ضجة بتصريحاتها التي أدلت بها في نوفمبر الماضي، أثناء ظهورها مع الإعلامية مروة صبري، في برنامجها “قعدة ستات”، حيث قالت ميار عن مشهدها الجريء الشهير أنها رفضت تصويره خلال نهار رمضان، واضطرت لدخول الحمام وغلق الباب عليها حتى آذان المغرب، حتى لا تقوم بتصوير المشهد أثناء الصيام.