مايان السيد عن سبب رفضها لـ عمليات التجميل: «أنا مبسوطة بشكلي كده ومش محتاجة أعمل فيه حاجة»

كشفت الفنانة الجميلة مايان السيد، كواليس من حياتها الشخصية مؤكدة بأنها ترى كل الناس يتمتعون بقدر من الجمال، وأشارت على أهمية إهتمام الشخص بالجمال الداخلي، والذي ينعكس بالإيجاب على الشكل الخارجي.

وأكدت الفنانة، خلال تصريحات لها مع موقع “مصراوي”:ـ “الجمال موجود عند كل البشر، وبجد عمري ما شوفت شخص وحش.. وبشوف كل الناس حلوة، ولكن الأهم من كده الجمال الداخلي، واللي بينعكس بصورة إيجابية على الشكل الخارجي للشخص، وعلى فكرة الإختلاف بيصنع الجمال والحاجات الصغيرة اللي مش بتعجبنا في نفسنا، واللي أكيد بتخلينا أحلى وأجمل بكتير، وبالنسبة ليا الجمال الطبيعي أهم حاجة عندي”.

وحينما سؤلت عن عمليات التجميل وعن أنها ستفكر يوماً فيها، ردت:ـ “حقيقي أنا حابة شكلي كده، ودلوقتي مش حاسة إني محتاجة أعمل حاجة زيادة، ومش عاوزة أقول إني في المستقبل البعيد ممكن أعملها، ولكن لما أي شخص بيكبر بيشوف حاجات مختلفة، ولكني من صغري وأنا متعودة إني أهتم ببشرتي وبستخدم منتجات جيدة جداً للعناية بها، وأكيد ده هيساعد على تأخير ظهور علامات معينة، واللي بيكون ليها علاقة بتقدم السن زي التجاعيد مثلاُ”.

وواصلت الفنانة مايان:ـ “ده غير العمل بمجال الفن، واللي زود إهتمامي بنفسي أكتر، وبصورة عامة كل شخص فينا سواء كان عمله بمجال الفن أو أي مجال آخر، فضروري إنه يهتم ببشرته في سن صغير، وده لتأخر ظهور علامات التقدم في السن”.

وجديراً بالذكر، بأن الفنانة مايان السيد شاركت في الموسم الدرامي الرمضاني للعام الحالي بمسلسل “1000 حمد لله على السلامة”، بجانب الفنانة يسرا، وحققت الفنانة الكثير من النجاح خلال العمل، وشاركت أيضاً بمسلسل “جت سليمة” بجانب الفنانة الجميلة دنيا سمير غانم.