ماجد المصري: حنان ترك كانت هتطير مننا لما طلعنا فوق الهرم.. وشغلانتنا صعبة وبنبذل فيها مجهود كبير

كشف الفنان ماجد المصري، كواليس تصوير فيلم “امرأة وخمسة رجال” والذي عرض عام 1997، وشارك في بطولته كلًا من: فيفي عبده، وحسن حسني، ومحمد سعد، وياسر جلال، وحسن الأسمر، وحنان ترك، وهالة فاخر، ووفاء عامر، وعلاء ولي الدين، وعلاء مرس.

وعن رحلة صعوده للهرم الأكبر مع الفنانة حنان ترك، قال ماجد المصري: “كانت مغامرة صعبة جدًا بس برغم صعوبتها استمتعنا بيها”.

وأضاف: “الهوا فوق كان مختلف وشديد أوي.. وحنان كانت هتطير مننا.. لكن أنا سعيد إني طلعت الهرم الأكبر.. وإحنا كمصريين محظوظين بوجود الأهرامات في بلدنا”.

وعن الصعوبات التي يواجهها الفنانين في تصوير أعمالهم الفنية، قال: “شغلانتنا صعبة.. لإنها بتأثر على الصحة جدًا نتيجة للمجهود الكبير اللي بنبذله”.

وتابع: “فيه أيام بنشتغل فيها لمدة 18 ساعة متواصلة.. وفيه أيام بناخد فيا منوم عشان لازم ننام بدري لإن عندنا شغل.. وفي مرة صورت مشهد في مسلسل (لعبة الموت) مع سيرين عبد النور.. كانت واقفة قدام وأنا باصص لها ومش عارف أنا بقول إيه.. وفي مسلسل تاني في إسكندرية من كتر البرد شفايفي اتجمدت ومكنتش عارف أتكلم”.