“مش بحب حد يتدخل في حياتي ودائماً بنتقد نفسي”.. مي عمر: «محمد سامي أهم حاجة في حياتي وبيدعمني بشكل كبير»
كشفت الفنانة الجميلة مي عمر، كواليس من حياتها الشخصية والفنية، وتحدثت عن أنها شخصية قاسية جداً مع نفسها، ودائماً ما تقوم بإنتقاد نفسها بصورة دائمة، كما تحدثت خلال اللقاء عن زوجها المخرج محمد سامي.
وأكدت الفنانة، أثناء استضافتها بأولى حلقات برنامج “ألبوم صور”، والتي تقوم بتقديمة إيناس سلامة الشواف، والمُذاع عبر إذاعة راديو “إنرجي 92.1″، موضحة: “محمد سامي أهم وأحسن حاجة في حياتي كلها، ودايماً باخد رأية في كل حاجة تخصني، وهو بيساعدني وبيدعمني بصورة كبيرة”.
وأشارت مي عمر، بأنها لا تحب نهائياً أن يتدخل أي إنسان بحياتها الشخصية، وأنها تحرص دائماً على الخصوصية بشكل كبير، قائلة: “مش بحب حد يتدخل في خصوصياتي خالص، وأنا مش بحب أتدخل في حياة غيري، وده لأني بحس بنوع من التطفل وأنا برفضه”.
وحينما سؤلت الفنانة، عن استخدام “الفلتر” في تعديل أغلب صورها، ردت: “أه بستخدم فلاتر بس تكون طبيعية وبصورة غير مُبالغ فيها، وبجد بكون زعلانة لما بلاقي الصورة بعيدة عني مش شبهي، وفي صور كتيرة بحطها من غير فلتر لما تكون متصورة بجودة عالية”.
وأوضحت مي، بأنها حريصة طول الوقت على توضيح المعلومات المغلوطة التي تُنشر عن حياتها العملية، واما عن انطباعاتها علقت: “في حاجات مش بهتم فيها أوي بالصح، وده علشان الناس هتعرف مع مرور الوقت، ومش كل الناس بتشوف الوش الحقيقي بتاعي.. ضروري يقربوا علشان يحكموا، وده لأن أغلب الناس بتاخد الفكرة اللي جواها وخلاص”.
كما تحدثت الفنانة، عن أنها لا تحكم دائماً على الأشخاص من خلال الظاهر، وأنها منذ الصغر تعودت ألا تحكم على المظاهر، مشيرة: “علشان أحكم على أي شخص ضروري أقرب منه وأعرفه كويس مش هكون عنه صورة من خلال شكله وخلاص”.
