كشفت الفنانة مي عمر، كواليس مسلسلها الأخير “علاقة مشروعة” الذي عرض في شهر رمضان الماضي.
وقالت مي، خلال لقائها مع الفنانة والإعلامية الكبيرة إسعاد يونس، في أحدث حلقات برنامج “صاحبة السعادة”، عن أصعب مشاهدها في المسلسل: “كان فيه مشاهد كتير صعبة لإن الشخصية فيها تطور في الأول كانت مسالمة أوي وبتقوله أوكيه اللي انت عايزه وأنا هعملك كل حاجة وبعد ما اتجوزته تحولت إن هي مش عاجبها الوضع بتتمرد مش عاجبها إن هو مش موجود ومش عاجبها إن هي لوحدها من أول ما راحت بيتها الجديد كل المشاهد هنا كلها كانت صعبة”.
وأضافت: “هي نفسيًا بثينة هنا كانت في الوقت ده مش مبسوطة.. طول الوقت متضايقة في كل مشاهدها هي نفسيًا تعبانة”.
وتابعت: “أنا وقعت بجد.. أيوه الوقعة دي بجد.. أنا المفروض إن أنا بجري فبخبط فيه فالورق بيقع.. عيدناها كذا مرة فلقيت إن أنا مش بخبط كفاية إن الورق يقع.. فقولت أنا أعملها بقلب لإني جيت أعملها بقلب روحت خابطة في ياسر ومسكت في الكرافت بتاعته قولتله حلو يا أستاذ قالي حلو أنا هكمل ع التيك ده.. ساعتها عملنا كسرة الجزمة ما كانتش موجودة زودناها فزودنا بقى حتة إن الجزمة اتكسرت”.
وعن تعاونها للمرة الثانية مع النجم ياسر جلال، قالت مي عمر: “ياسر شخص مريح جدًا وهادي وبيحب يريح كل الناس وبيحب يريح اللي حواليه دايمًا بقول إن ياسر نسمة في اللوكيشن محدش بيحس بيه بل بالعكس هو كمان بيشوف لو أي حد عنده مشكلة هو بيحب يحلهاله.. وفيه كيميا عالية في التمثيل مع بعض لإن ياسر ممثل قوي جدًا وأنا بحب جدًا التمثيل مع ياسر يعني من أكتر الحاجات اللي كانت مشجعاني على المسلسل وجود ياسر جلال طبعًا”.
