هاجمت الإعلامية مي حلمي، الكاتبة والمذيعة ياسمين الخطيب، بسبب الانتقادات التي وجهتها لياسمين عز، مقدمة برنامج “كلام الناس” الذي يعرض عبر قناة “MBC مصر”.
حيث وجهت الإعلامية ياسمين الخطيب، انتقادات لياسمين عز، لما قالته في برنامجها عن طريقة تعامل الزوج والزوجة، وضرورة سامح الزوجة لزوجها بأن يسير على سجادة المنزل بحذائه، ومنحه القطعة الأكبر من الدجاج.
ونشرت مي حلمي، عبر حسابها الرسمي على موقع التواصل الاجتماعي “فيس بوك”، مقتطفات من كلام ياسمين، وعلقت عليه قائلة: “معنديش أدنى شك غير اللي تقول كده على زميلتها واحدة منفسنة عليها مش أكتر.. ما البرامج كتير والهبد كتير.. اقلبي يا حبيبتي واتفرجي على رضوى الشربيني مدام ياسمين مش عجباكي.. ولا ياسمين عز وجعاكم؟”.
وأضافت: “ما تتفرجوا على بقيت البرامج.. إزاي تحاربي ست زيك ولا عشان إنتي قاعده وهي بتشتغل؟ فالهريه والنكته شغاله عليها.. هي حرة في رأيها يدوس علي السجادة يدوس علي وشها هي حرة.. وكل واحدة حرة تعامل جوزها إزاي.. ولو بتنصحهم يبقوا كويسين مع إجوازتهم دي حاجة حلوة مش وحشة”.
وتابعت: “أنا عن نفسي بحب ياسمين.. وليه نكسر في واحدة نجحت انضفوا بقى وخليكي منك ليها في نفسك.. إعرفوا انجحوا الأول وأبقوا اتكلموا علي غيركم.. وإيه الطريقة دي بتاعت يع وبلدي.. إيه ياختي عيشي عيشه أهلك واحترمي زميلتك”.
واستكملت: “ما أجرمتش.. ولا لازم تطلع تقول إدي جوزك بالشبشب عشان تتبسطي؟.. اه آسفه أصلها مسمعه فمزعله الفشلة”.
واختتمت حديثها قائلة: “هتقولولي ناجحة في إيه ؟ اه ناجحة وبتتفرجوا عليها.. ومدام بتتفرجو عليها وبتجيبو سيرتها تبقي ناجحة.. واما تتكلم عليها واحدة بتحكها في المذيعات ومش عارفة.. تبقي ياسمين نجحت.. وريحي يابتاعت ال يع وريحي يا منفسنة منك ليها.. يمكن لو خلتيه يمشي على السجادة ماكنش طفش”.
