شارك الإعلامي محمود سعد، متابعيها عبر حسابه الرسمي على موقع التواصل الاجتماعي “فيس بوك” بمقطع فيديو تحدث فيه عن تناوله لحم الحمير لعدة سنوات.
حيث قال سعد، في الفيديو الذي نشره منذ ساعات قليلة: “أمي ما كانش عندها وقت خالص غير اللحظات القليلة اللي بتيجي فيها في البيت.. كان بيبقى عندنا ناس بتشارك في البيت.. ومرة جه واحد اشتغل عندنا اسمه محمد”.
وأضاف: “أمي جابت لي عجلة زي عجل بتوع اللبن ده.. اسمه 128 أظن أو 28.. أنا كنت عايز عجلة راحت تعمل إيه لقت واحدة بالتقسيط كل شهر تدفع 50 قرش ولا حاجة راحت جايبة لي واحدة قولتلها جميلة جدًا تحفة.. كنت بركبها أنا ومحمد ده يوديني باب الخلق.. قال يعني عربية.. بس محمد ده كان ظريف في إيه بقى كان بيساعدنا في البيت ويونسنا وحاجات زي كده.. يقوم التليفون يرن فيرد محمد.. ألو.. أنا محمد الطباخ.. طباخ مين يا عم الحاج.. يقوم الناس يتريقوا يقولوا الحق كوثر جابت طباخ.. كوثر ما جابتش طباخ ولا حاجة ده إحنا قعدنا 20 سنة ناكل كفتة”.
وتابع: “روزاليوسف كده قدامها جزار عظيم جدًا.. دلوقتي واخداه مكتبة العربي أظن أو حاجة كده.. جزار عظيم جدًا جزار في جاردن سيتي.. وبعدين سنين وسنين تنزل هي وصاحبتها الأول يحضروا الحاجة الرز والحاجات دي ويقولوا وإحنا نازلين م الشغل هنعدي عليك ناخدها.. ويقوم واخدين الكفتة خضرا كده تمام ويجوا يصبعوها ويحطوها في الزيت وشوية دمعة وخلاص.. كلنا العيال كلت وشوية رز انتهينا.. يمكن 15 سنة وبعدين نزلوا يوم لقوا المحل مقفول بالشمع الأحمر والخشب والبتاع.. في إيه؟ قالوا الجزار ده كان بيدبح حمير.. وطبعًا الحمير هي الكفتة.. مش معقول انت هتشتري يعني بتلو كفتة.. فقعدنا ناكل لحمة حمير كتير جدًا من عند الجزار ده”.
https://www.facebook.com/mahmooudsaaad/videos/285315450641296/
