حلت المطربة المغربية ليلى غفران، ضيفة على الإعلامية ياسمين عز، مقدمة برنامج “كلام الناس” الذي يذاع عبر قناة “mbc مصر” خلال شهر رمضان الجاري.
ووجهت ياسمين عز مقدمة البرنامج سؤالًا للفنانة ليلى غفران، قالت فيه “لو رجع بيكي الزمن.. تختاري تتجوزي مين أو ما تتجوزيش أو رأيك إيه في الجواز بشكل عام؟”.. لترد الفنانة المغربية مازحة: “لو رجع بيا الزمن ما هو لو في طريقة الواحد يجيب عيال من غير جواز” ثم ضحكت قبل أن تتحدث بجدية قائلة: “اختار إن أنا اتجوز فؤاد وإبراهيم” في إشارة إلى والدي ابنتيها (نغم وهبة).
وسألتها مقدمة البرنامج سؤالًا آخر قالت فيه “ليه كان فيه عدم نجاح أو معاناة في زواجاتك السابقة؟” لترد الفنانة قائلة: “عشان أنا طيبة كتير زيادة عن اللزوم فالزوج ساعات يستغل الحتة دي.. يستغلها بأي شكل م الأشكال وأنا من نوع الناس كمان اللي ما بحبش الغلط فكنت أشوف الغلط وأتغاضى عنه مرة أو اتنين أو تلاتة بس بعد كده خلاص”.
وعن الخيانة الزوجية، قالت ليلى: “آه طبعًا حصل خيانة من ورايا وشوفت كمان.. وسامحته بس طبعًا كنت من جوايا مكنتش قادرة أكون زي الأول.. وبعدها ما عرفتش أكمل”.
وأضافت ليلى، قائلة: “الجواز عملي اكتفاء ذاتي.. خلاص تمام وزي الفل وإيه اللي ناقصني يعني عشان اتجوز.. وفي حد اتقدملي قريب وأنا خدتها على إنها هزار وبكلم واحدة صاحبتي وبقولها تخيلي في حد عايز يتجوزني.. قالتلي يالا اتجوزيه قولتلها اهدي شوية”.
وكشفت ليلى، عن عدد زيجاتها قائلة: “5 مرات.. وفي جوازات ما بعتبرش نفسي إن اتجوزت فيها لإنها عدت مرور الكرام”.
