“بعد تعاونها معه بـ الإسكندراني”.. خالد يوسف رداً على منتقدي زينة: «مُمثلة شاطرة والكلام اللي اتقال عنها مش حقيقي»

أعلن المخرج المعروف خالد يوسف، عن بالغ سعادته بعد عودته مرة ثانية والتعاون مع الفنانة الجميلة زينة، وذلك خلال الفيلم الجديد “الإسكندراني”، والمأخوذ عن رواية الكاتب الراحل أسامة أنور عكاشة، وأشار بأن زينة دائما ما تُركز بعملها، ولا تختلق أي مشاكل كما قيل عنها خلال الفترة الماضية.

وأكد خالد يوسف، خلال لقائه ببرنامج “عرب وود”،: “بجد الفنانة زينة شايف إنها مُمثلة شاطرة أوي وزكية، والكلام اللي بيتقال عنها وإنها دايماً بتعمل مشاكل وأزمات مش صحيح، وأنا مشفتش منها حاجة زي دي أبداً، وبصراحة لما اشتغلت معاها قبل كده في (كارما) معملتش ربع مشكلة معايا ولا مع فريق العمل كله، ولا شخصيتها بتقول كده ولا المناخ، وبجد هى مجتهدة أوي وطول الوقت مركزة في شغلها ومكرسة وقتها كله للعمل”.

وواصل المخرج: “وبجد مفيش أي حاجة من اللي ناس قالتها عنها حقيقية، وأنا مشفتش حاجة وحشة منها ولا عليها، وعلشان كده أنا متحمس وحابب إني أشتغل معاها مرة تانية”.

ومن جانبها، فقد قامت زينة بالكشف عن تفاصيل شخصيتها بفيلم “الإسكندراني”، وأكدت خلال تصريحاتها مع القاهرة 24: “بعمل دور بنت اسكندرانية اسمها قمر، وهى بنت جدعة أوي وعاشت حياة كلها ظالمة، وده بمعنى إن في ظلم عندنا في الشخصية، وظلم مشاعر وكدب وخداع وياريت تخلينا نتفرج على الفيلم، وأي عمل فني بيكون مسؤولية وأنا باخد كل عمل بإهتمام، وبجد الشخصية اللي هقدمها مختلفة”.

وجديراً بالذكر، بأن الفنانة زينة تشارك ببطولة فيلم “الإسكندراني” بجانب الفنان أحمد العوضي، وشاركها البطولة مجموعة كبيرة من نجوم الفن أشهرهم “صلاح عبدالله، وحسين فهمي، ومحمود الليثي، وانتصار، ومحمود حافظ، ومحمد رضوان”، وغيرهم، والعمل تأليف أسامة أنور عكاشة وإخراج خالد يوسف.