أعلن المطرب المعتزل خالد الفايد، نجم ذا فويس كيدز، إنتهاء أزمته مع المنتج ومهندس الصوت هاني محروس، من خلال منشور كتبه منذ ساعات قليلة عبر حسابه الرسمي على موقع التواصل الاجتماعي “فيس بوك”.
وهو المنشور الذي قال فيه: “الموضوع بيني وبين أستاذ هاني محروس اتحل وإن شاء الله مفيش أي حاجة.. وشكرًا جدًا لأستاذ هاني إنه تفهم الوضع وقال مفيش حاجة خلاص ومش هعمل أي حاجة وربنا يقدم الخير”.
وأضاف: “إن شاء الله أكون في مصر خلال أيام.. وشكرًا بجد إن صوتي وصل ولقينا حل مع أستاذ هاني محروس وشكرًا للأستاذ سيد حجاج على تدخله وحصل خير يا شباب.. وأنا خلاص همسح البوستات اللي فاتت”.
وتابع: “ادعولي ربنا يثبتني على طريق الحق وإن شاء الله في مصر لما أنزل بيتي مفتوح لأي حد من أهلي وحبايبي اللي وقفوا جنبي ودعموني.. وإن شاء الله أسجل القرآن الكريم كامل بصوتي قريبًا وأنزله عندي.. الحمد لله رب العالمين.. والله بحبكم في الله ويشهد الله على ما في قلبي من محبة ليكم”.
