دخلت عفاف جريس، زوجة المنتج هاني محروس، على خط أزمة الاتهامات المتبادلة بين زوجها والفنان المعتزل خالد الفايد، نجم ذا فويس كيدز.
وكتبت عفاف، في منشور لها عبر حسابها الشخصي على موقع التواصل الاجتماعي “فيس بوك”: “خالد فايد انت قبل ما تعتزل بنص ساعة كنت عايز عقدك انت ومامتك وخالك علشان زعلان من هاني إنه أول مرة يزعقلك علشان بتنزل بوستات هبلة وبيقولك انت مشروع نجم لازم تاخد بالك من تصرفاتك وفيديوهاتك”.
وأضافت: “هاني محروس ده اللي قعدك في بيته في القاهرة سنتين و24 ساعة قاعد في الأستوديو معاه ومع فنانين مصر كلهم وأعتبرك ابنه”.
وتابعت: “شهادة حق أتحاسب عليها قدام ربنا.. خالد كان عايز العقد عشان يشتغل ولحده ويبعد عن هاني مش عشان يعتزل خالص.. ولما هاني قال لمامته أنا عامله ألبوم وصارف عليه يمشي إزاي لقى الدنيا مقفولة في وشه طلع من الأستوديو كتب الكلمتين دول عنده على الفيس بوك وقال مش عايز الفن والكلام اللي كتبه”.
جاء ذلك بعد إعلان خالد الفايد، تعرضه للتهديد من قبل المنتج ومهندس الصوت هاني محروس، عقب قرار توبته وإعتزاله الفن.
