حل الفنان كريم فهمي، ضيفًا على برنامج “حبر سري” الذي تقدمه الإعلامية أسما إبراهيم، والذي يذاع عبر قناة “القاهرة والناس” خلال شهر رمضان الجاري.
ووجهت مقدمة البرنامج سؤالًا لضيفها قالت فيه: “قولت إن مراتك هي شهر زاد اللي وقفت كل مغامراتك قبل الجواز دلوقتي وبصراحة بعد نجوميتك ما زادت ما عندهاش أي قلق ترجع تاني زي زمان؟” ليرد عليها قائلًا: “معرفش عندها قلق ولّا لأ بس مفيش راجل مبدئيًا مفيش راجل مش عينه زايغة طبعًا حتى لو بيحب مراته مش معناه إنك بتعمل حاجة غلط”، لترد عليه أسما إبراهيم: “طب ليه مفيش راجل مش عينه زايغة والست بتكتفي بالراجل اللي معاها؟” ليجيبها: “مش عارف الحمد لله إن انتوا كده مش حاجة وحشة بس هي الفكرة كلها انت بقى نفسك ازاي تقدر تحترم اللي انت بتحبها وعلى قد حبك ليها انت مش هتبص بره هي دي الفكرة”.
وكررت أسما، الجملة التي قالها كريم “يعني إيه مفيش راجل عينه مش زايغة.. ويعني إيه بيحب مراته فمش هيبص بره؟ انت وانت ماشي مع مراتك لقيت واحدة مزة معدية هتبص؟”، ليرد عليها قائلًا: “بقولها والله وبتقولي انت بتبص على إيه ساعات بتحصل يا جماعة إحنا مش هنقعد نزوق الكلام وبقولها وبهزر معاها زي ما أنا صريح معاكي وبقولها ع الهوا أنا بقولها معاها وبهزر معاها فيها بس هو الموضوع لا يتخطى هذا الإطار يعني بس لو بتتكلمي مفيش راجل مش عينه زايغة”، لترد عليه أسما: “بس أنا مقتنعة بحاجة واحدة إنك لو بتحب حد هتكتفي بيه”.. ليرد عليها كريم: “في ناس بتبقى متجوزين ملكات جمال وبيبصوا لحاجات صعبة. يعني بقولك الرجالة سيكولوجيًا غراب إحنا غراب جدًا إحنا بني آدمين غراب جدًا يعني إحنا تكوينا السيكولوجي غريب هي الفكرة كلها في تربيتك في احترامك لمراتك وحبك لمراتك كل ما هو زاد أنا بالنسبة لي لو هبص على واحدة هتبقى هي قاعدة جنبي هقولها عليها.. إحنا ليه عايزين نجمل الكلام والله مفيش راجل عينه مش زايغة”.
وسألته مقدمة البرنامج “طب لو هي قاعدة معاك وعدى راجل أمور وقالتلك بص الراجل ده أمور ازاي هتكون مبسوط”، ليرد عليها قائلًا: “على فكرة أنا واحد من الناس بقولها أحمد عز ده شكله حلو جدًا.. ولو هي اللي قالتلي عادي ما أزعلش طبعًا هو شكله حلو حصل إيه يعني شكله حلو على فكرة إيه المشكلة”.
