جوري بكر: واحد عايز مني 3000 جنيه مساعدة وواحدة عايزة تلاجة.. إيه كمية الاستفزاز والجرأة دي!
أعربت الفنانة جوري بكر، عن استيائها من تعليقات ورسائل بعض متابعيها عبر حسابها الرسمي على موقع تبادل الصور والفيديوهات “انستجرام”.
حيث كشفت جوري، التي اشتهرت بشخصية (وداد) في مسلسل “جعفر العمدة” الذي عرض في شهر رمضان الماضي، وحقق نجاحًا كبيرًا، سبب غلق خاصية التعليقات من خلال منشور لها عبر خاصية القصص المصورة “ستوري” الملحقة بحسابها الرسمي على موقع “انستجرام”، وهو المنشور الذي قالت فيه: “طب أولًا عشان الأسئلة الكتيرة اللي بتجيلي بخصوص أنا ليه قافلة الكومنتات على عدد معين.. لإن بجد الموضوع مخيف مش كل الناس اللي حوالينا محترمين.. مش كل الناس نضيفة وتعليقاتهم محترمة.. في مجموعة كده حرفيًا من قاع الأرض مريضة تعليقاتهم أنا مقدرش أستحملها أو أشوفها واحترامًا لمن حولي بجد قفلتها على المقربين مني والناس المحترمة اللي متابعاني”.
وأضافت: “ثانيًا غير إني برضه بخاف جدًا أفتح DM ساعات بيلفت نظري الناس الجميلة المحترمة اللي بتحب تهديني حاجات مش شغلهم تمام.. الشحاتة بقى اللي وصلت على الانستجرام هل ده بجد.. اللي عايز مساعدة 3000 جنيه وهو مصور نفسه ماسك تليفون بـ 25 ألف جنيه أو أكتر.. واللي عايزة تجهز نفسها ونفسها في تلاجة أنا أصلًا ما أشتريتهاش.. بجد إزاي كده إيه كمية الاستفزاز والجرأة اللي عندكم دي؟! انزل وانزلي اشتغلي.. اتعبوا وانجحوا وساعدوا نفسكم.. في غيرك نحت في الصخر عشان يوصل ومحدش ساعدهم ولا ساعدني.. وياريت ما تغرومش أهلكم عشان حضرتك تشوري نفسك وانت تمسك موبيل جديد اتعب واحصد تعبكم”.
