إيناس النجار عن مشهدها الشهير في فيلم أحاسيس: مكنتش أعرف إن إدوارد هيسحبني كده.. واللي حصل مش مكتوب في السيناريو

كشفت الفنانة إيناس النجار، كواليس مشهدها الجريء مع الفنان إدوارد، بفيلم “أحاسيس” الذي تم عرضه عام 2010 وأثار جدلًا واسعًا، حيث قالت: “كنت أنا وإدوارد بنهزر.. ومكنتش أعرف إنه هيسحبني وكده.. إحنا نازلين على إنه اتنين بيتكلموا في البسين قولت أوكيه.. فهو كان بيهزر هو عملها بعفوية مش عملها بقصد بس كان فيه إخراج بيصور ومارضوش يشيلوها وده ما كانش مكتوب ع الورق ومكناش متوقعين إن هما هينزلوه”.

وأضافت في تصريحات تليفزيونية: “وبعدين أنا في الفيلم كان فيه ناس كتير أوي عاملين مشاهد كتيرة يعني الفيلم كله أصلًا مرتاح يعني زي ما قولنا بس الناس مسكت في إيناس عشان مش متعودين برضه لابساه مايوه أو بكيني”.

وتابعت: “مشهد أوضة النوم قريته.. وده كان سبب اعتراضي على الفيلم المشهد ده.. ومشهد إن إحنا ع البسين برضه قريته وقولتلهم هلبس مايوه وعليه شورت لإن ساعتها كان فيه فنانات كتير أوي ولحد دلوقتي فيه فنانات من زمان فنانات نجوم وعباقرة لابسين مايوه لابسين هوت شورت طب قولت ما ده فن زي ما فيه واحدة بتعمل شغالة زي ما فيه واحدة بتعمل رقاصة كان ده تفكيري فمحسبتهاش صح للأسف حسبتي كانت غلط”.