“أنا لو كويسة فده بسبب سؤالها عني وكلامها معايا عن ربنا والدين”.. حورية فرغلي تكشف عن سبب تعلقها الشديد بـ صفية العمري

تحدثت الفنانة الجميلة حورية فرغلي، عن العديد من الفنانات اللاتي حرصن على السؤال عنها خلال فترة مرضها، وأيضاً بعد خضوعها لعملية استئصال الرحم، وأشارت بان الفنانة صفية العمري من أكثر الفنانات التي قامت بالسؤال عنها.

وأكدت الفنانة، خلال تصريحات لها مع القاهرة 24:ـ “مفيش حد سأل عني غير الفنانة صفية العمري وإلهام شاهين وليلى علوي، وميرفت أمين، وبجد صفية بتكلمني كل يوم، وأنا بقولها يا نازك من كتر ما هى هانم”.

ووجهت الشكر لها وأعربت عن امتنانها، حيث قالت:ـ “تحسي إن حد بيحبك بجد وبيتكلم معايا من قلبه، وحقيقي مش عارفة أشكرها إزاي، ولو حالتي النفسية جيدة فده بسببها ومن كلامها معايا عن ربنا والدين، وبجد الجيل ده جيل هوانم السينما المصرية”.

وكشفت حورية، عن أنها أجرت 32 عملية جراحية موضحة بأنها لم تقم بإجراء أي عمليات أخرى بأنفها، وعلقت:ـ “أنا كان معايا فلوس قبل عمليات التجميل، ولكني صرفت عليها أكتر من 12 مليون جنيه، وكمان آخر عملية عملتها في أمريكا كانت استئصال ورم بالرحم وكلفتني 4 مليون دولار، ولما بدأت أفلس بابا وماما لحقوني، وإن شاء الله مش هعمل عمليات تاني.. اللي عاجبه على كده يا مرحب واللي مش عاجبه هو حر يبص الناحية التانية، وده علشان أنا مبقتش قادرة”.

وواصلت:ـ “وأنا لما عملت العمليات دي كان علشان شغلي بالفن، وده علشان كنت عاوزة أكمل وكنت مبسوطة من الأعمال اللي قدمتها، وكنت ناجحة ومكنتش عاوزة أبطل شغل”.