“بعدما قال إحنا جامدين ومفيش إلا إحنا”.. زوجة حسن شاكوش ترد: «مش عاوزه فلوس ولا فيلا وطلبت إننا نتعرض على الطب الشرعي»
أثارت ريم طارق زوجة المطرب الشعبي حسن شاكوش، الكثير من الجدل خلال الساعات القليلة الماضية، بعد أن ظهرت بـ بث مباشر عبر صفحتها الشخصية على موقع التواصل الإجتماعي “انستجرام”، لتوضيح بعض المستجدات الخاصة بأزمتها مع زوجها.
وأكدت ريم خلال البث:ـ “مفيش حاجة اسمها صلح، وفي مشكلة كبيرة وهى إن واحدة تتحملها مع زوجها أو عيب مينفعش الواحدة تتحمله، وكل اللي بتكون عاوزاه إنها تخرج من أزمتها بكل احترام وتشوف حل لمصيبتها دي، وهو ده اللي أنا عاوزه أقوله دلوقتي، ومهما كان إختياري غلط محدش يعتب عليا.. الحمد لله على كل شئ”.
وأما عن قرار تمكينها منزل الزوجية:ـ “الفكرة كلها من التمكين كان علشان أخد هدومي وحاجتي ومُتعلقاتي، وأنا خرجت وجيت تاني يوم أخد حاجتي، وعلى فكرة أنا كده كده رفعت قضية طلاق.. اتمكنت عشان أخد هدومي ومُتعلقاتي وروحت امبارح مع والدي اللي وقف برا بعد حسن ما طرده، وبعدها بنصف ساعة أهله وصله، وعموماً مش ممكن أرجع لواحد هددني بالقتل، وحلقة شيخ الحارة في رمضان كل اللي إتقال فيها حقيقي.. أنا اتضحك عليا”.
وواصلت زوجة حسن شاكوش:ـ “يابن الحلال زي ما دخلنا بالمعروف نخرج بالمعروف، وياريت تديني حقي وعرفني إنت طلقتني ولا لسه، وده علشان أكمل في قضية الطلاق للضرر، وده علشان أنا معنديش استعداد إني أتظلم تاني، وعلى فكرة كل الناس اللي إنت دوست عليهم تواصلوا معايا وبعتولي فيديوهات ورسايل، وأنا طلبت إننا نتعرض على الطب الشرعي، وده علشان أنا واحدة مش مزقوقة ولا عاوزة منك فيلا ولا فلوس، ولو كان ده هدفنا كنا خدنا عليك أوراق كتيرة، ولو في واحدة شايفة إن غلطانة تروح تتجوزه وتعيش معاه، وساعتها هتقرر إيه اللي يحصل وإيه اللي مش هيحصل، وهتوافق على إيه ومش هتوافق على إيه”.
