طليق زوجة حسن شاكوش: ريم طارق عندها مرض ما يخليهاش تتجوز.. ولما قولت لأهلها إني هعالجها طلبوا مني أطلقها

فجر طليق ريم طارق، زوجة مؤدي المهرجانات حسن شاكوش، مفاجأة من العيار الثقيل بالتزامن مع خلاف طليقته مع زوجها الحالي.

وقال (أحمد) طليق زوجة حسن شاكوش، في تصريحات تليفزيونية لبرنامج “تفاصيل” الذي تقدمه الإعلامية نهال طايل، ويعرض عبر قناة “صدى البلد”: “اتصدمت إنها هتتجوز تاني وهي عندها مرض ما يخليهاش تتجوز وده ظهر بعد شهرين من جوازي منها وأهلها كلموني عشان أطلقها”.

وأضاف: “أنا ما قصرتش معاها وقولت لأهلها ساعتها إني هعالجها ومش عايز أطلق وروحت معاها للدكتور وقالي إنها ما ينفعش تتجوز”.

وتابع: “سلمت أهلها القايمة ومعايا شهود ونزلوا القايمة بالشقة في يومين وكل الكماليات في البيت خدوها لقيت الشقة فاضية خالص”.

واستطرد: “معنديش مشكلة في الحاجة دي أنا مش عايزها تاني.. بس عايزهم يتنازلوا عن القضايا اللي رفعوها ضدي.. ده غير إنهم شوهوا صورتي قدام أهل مراتي الجديدة كمان”.

وذكر: “أنا ما كنتش بضربها وعمري ما مديت إيدي عليها.. وما أعرفش أنا مرفوع عليا قضايا ليه بعد الطلاق؟!.. أنا اتفرض عليا الطلاق ومكنتش عايز أطلقها ولما طلقتها اديتها كل حقوقها”.