حلت الفنانة حنان مطاوع، ضيفة على الإعلامية أسما إبراهيم، مقدمة برنامج “حبر سري” الذي يذاع خلال شهر رمضان الجاري، عبر قناة “القاهرة والناس”.
وتحدثت حنان، خلال الحلقة عن رأيها في دور الفنانة منى زكي، بفيلم “أصحاب ولّا أعز” الذي أثار جدلًا واسعًا عقب طرحه على منصة “نتفليكس” في يناير الماضي، وعرضها للهجوم الشديد من قبل المشاهدين.
وقالت حنان، ردًا على سؤال: “كمشاهدة مش فنانة.. إيه رأيك في الدور اللي قدمته منى زكي في فيلم أصحاب ولّا أعز؟” لتجيب: “دور صعب قدمته.. كمشاهدة أنا أعتقد إن منى زكي هي سيدة التفاصيل هي عندها قدرة على إنها تعمل تفاصيل حلوة أوي لأ شخصية هي بتعملها.. وعندها مشاعر حقيقية وساخنة يعني مشاعر متدفقة.. وأنا بيعجبني أوي شغلها على الأدوار”.
وسألتها الإعلامية أسما إبراهيم، مقدمة البرنامج سؤالًا آخر قالت فيه: “لو الدور ده اتعرض عليكي هتعمليه؟”، لترد الفنانة حنان مطاوع قائلة: “ما أعتقدش إني أعمله بس مش معنى إن أنا ما أعملوش إن أنا بأدين الآخرين بس هي الدنيا اختيارات انتي عاجبك الفستان اللي انتي لابساه وعاجبني طبعًا قمر عليكي بس ممكن حد تاني ما يعجبهوش.. العيب مش في الفستان هي أذواق واختيارات هي الاختيارات دايمًا بثقافتك انتي وميولك وأفكارك فهو أنا ممكن ما أعملوش أو لازم أقعد كتير م المخرج والمؤلف نتفق على حاجات عشان أعمله”.
لتسألها مقدمة البرنامج: “هتغيري مثلًا تفاصيل فيه ألفاظ مشاهد ولّا الدور كله؟”، لتجيب الفنانة: “لأ هستأذن في حاجات أنا أفضل أعملها وفي حاجات ما أقدرش أعملها هل ده يتناسب مع حضرتك كمخرج ولّا لأ هيقول أه في حاجات ممكن نعدلها مع بعض يبقى هعمله.. هيقولي مش هينفع يبقى لزميلة تانية.. بس الحقيقة أنا بأعجب بطريقة منى زكي في الشغل على أدوارها”.
