تحدث الفنان حمادة هلال، خلال لقائه مع الإعلامي شريف عامر، في أحدث حلقات برنامج “يحدث في مصر” الذي يعرض عبر قناة “MBC مصر”، عن النجاح الكبير الذي حققه الجزء الثالث من مسلسل “المداح”، الذي عرض في شهر رمضان الماضي.
وعن الحملات الإعلانية لتمويل المسلسل على مواقع التواصل الاجتماعي، لتصدره التريند، قال بطل العمل: “ما دفعتش جنيه سوشيال ميديا.. وأول ما لقيت كل الناس منزلة فيديو ابننا جه اتطمنت”.
وأضاف: “مش عيب إن الواحد يصرف على شغله.. بس ما ينفعش أصرف على حاجة زي دي بطريقة باينة إني كده.. أنا بحب أدي فرصة أفرح بنجاحي وأقول اللي حصل ده بعد تعبنا.. وإن تعبنا ده ما راحش ع الفاضي”.
وتابع: “كنا متوترين جدًا وإحنا بنصور الجزء التالت غير الأجزاء التانية عشان نوصل للنجاح اللي نفسنا فيه.. وتعبنا أوي أنا والمؤلفين والمخرج عشان ربنا يكرمنا أكتر.. وروحنا أماكن كتير نصور فيها عشان المشاهد تطلع كويسة”.
واستكمل: “بتمنى أعمل أساطير كتير من المداح كل رمضان.. لإن قماشته حلوة ودراما مختلفة.. وأنا دايمًا بحب الاختلاف من بدايتي.. لما لقيت الناس بتعمل تشويق عملت دراما شبه المال والبنون.. ولما لقيتهم بيعملوا اجتماعي عملت رعب.. والمداح بالنسبة لي يعتبر سوبر هيرو العرب”.
