“لو عقلي يقبل ممكن أتجوز مدني”.. إلهام شاهين عن زواج المسلمة من غير المسلم: «لو حبيت شخص يخليني ما أقدرش أبعد عنه معنديش مانع»

أثارت الفنانة الجميلة إلهام شاهين، الكثير من الجدل خلال الساعات القليلة الماضية، بعدما تحدثت عن فقدانها للأمومة وتأثير هذا الأمر عليها، وتحدثت أيضاً عن رأيها في زواج المسلمة من الرجل الغير مسلم.

وأكدت الفنانة، خلال لقائها بالإعلامي علي ياسين، والذي يقوم بتقديم برنامج “كتاب الشهرة”، والمُذاع عبر فضائية “الجديد”، معلقة: “أنا مش ندمانة أبداً وراضية إني مخلفتش، وده علشان أنا مش قد المسؤولية وكفاية عليا المسؤوليات الكتير اللي عندي، وبجد عاوزه أعيش حرة لفني، لأن الفن بياخد كل وقتنا وكتير من الأحيان بشتغل حوالي 20 ساعة في اليوم، ومش عارفة ساعتها إمتى الواحدة منا ممكن تمارس أمومتها وتراعي أولادها”.

وواصلت إلهام: “وضروري يكون في تضحية بحاجة من الإتنين، وده علشان مفيش حد ممكن ياخد كل اللي هو عاوزه من الدنيا، ومش ندمانة خالص أني أجهضت نفسي أكتر من مرة، والأمومة عطاء وتضحية وأنا سهل أوي أمارسها مع إخواتي وولادهم وأصدقائي المُقربين جداً”.

وحينما سؤلت الفنانة، عن رأيها في زواج المسلمة من غير المسلم وأن هذا الزواج يعتبر باطلاً بالنسبة للدين الإسلامي، ردت: “لو عقلي يقبل الموضوع ده ممكن أتجوز مدني، وعلشان مفيش في بلدنا جواز مدني سهل أوي أسافر بره أتجوز وأرجع تاني، ولو الأولاد من الجواز ده مش هيعترفوا بيهم أنا كده كده في سن كبير ومش عاوزه أخلف.. مش شايفة أي مشكلة نهائي، وده طبعاً لو في حالة إني أحب شخص يخلني مش قادرة أبعد عنه، ولكن أنا لو لسه صغيرة مكنتش هوافق طبعاً”.

وجديراً بالذكر، بأن الفنانة إلهام شاهين يُعرض لها حالياً مسلسل بعنوان “ألفريدو”، وذلك خلال شبكة قنوات الشركة المُتحدة للخدمات الإعلانية.