حلت الفنانة اللبنانية دوللي شاهين، ضيفة في أحدث حلقات برنامج “بنشتري راجل” الذي تقدمه الفنانة هبة السيسي، ويعرض عبر قناة “الشمس”.
وأثارت دوللي، جدلًا واسعًا بسبب التصريحات التي أدلت بها خلال الحلقة، حيث قالت: “ما عيشتش طفولة لطيفة.. وفاكرة إني في سن معين كنت عاملة زي الولد وكنت بتعامل زي الولاد”.
وأضافت: “علاقتي بأهلي ووالدي بالذات ما كانتش كويسة.. بس والدتي كانت زي الملايكة.. بابا أثر فيا أكتر من ماما لإن شخصيته كانت قوية جدًا”.
وتابعت: “ماما لما اتجوزت بابا كان عندها 14 سنة وهو كان عنده 34.. يعني نقد نقول إن هو اللي ربى ماما.. وده غلط جدًا إن حد يتجوز وفيه فرق سن كبير كده.. الطبيعي إن الراجل يكون أكبر من الست بسنتين مثلًا”.
وأكملت: “عادة الست بتنضج أسرع من الراجل لإن التربية الشرقية بتربي البنت إنها تتحمل المسئولية بدري.. فده بيخليها تستوع الحياة أسرع”.
وأردفت: “بابا كان راجل شرقي بزيادة.. وكان بيفرض عليا قيود كتيرة.. وكان كل أحلامي إني أتحرر من قيوده.. كان هدفي إني أتحرر من العقلية المتخلفة دي اللي أنا عايشة فيها.. أكيد مش بيكرهني لكن كان بيخاف عليا بطريقة تخليه يبقى قافل بزيادة”.
واختتمت حديثها قائلة: “وأول جيبة لبستها في حياتي كان عندي 13 سنة.. كانت جاتلي هدية.. قطعها لي عشان يضايقني ويقهرني. وبقول دايمًا إن البني آدم اللي عنده مشاكل بتكون من الطفولة.. ووالدي أكيد عاش حاجة خلته كده”.
