حلت الفنانة والراقصة الاستعراضية دينا، ضيفة على الإعلامية سالي عبد السلام، مقدمة برنامج “المتوحشة” الذي يذاع عبر قناة “النهار” خلال شهر رمضان الجاري.
وتحدثت دينا، عن رفض الرجال في مصر الزواج من راقصة، قائلة: “احنا مجتمع عنده شيزوفرينا.. أنا ممكن أدخل أحسن بيوت في البلد بس يوم ما أتجوز ابنهم هيكون في كلام تاني”.
وأضافت دينا: “قولي أنا بيبقى في كلام تاني والناس بتقول لأ دينا مش كده.. لأ دينا محترمة.. لأ دينا متعلمة.. عندي في الـ CV اللي يتقال بس في ناس معندهاش في الـ CV اللي يتقال وطيبين وولاد حلال وعايزين يعيشوا وكل حاجة بيترفضوا لكونهم بيمتهنوا الرقص.. زي الزبال ما هي مهنة ممكن يترفض في مهنات كده واخدة شكل المجتمع عاملها اطار يمنعهم من الجواز”.
وتابعت: “الجواز بالذات انتي داخلة تتجوزي عيلة قدام عيلة.. تبقى عيلتك كويسة وعيلته كويسة.. أنا عيلتي كويسة الحمد لله أب وأم معنديش المشكلة دي كان عندي مثلًا 70 % من الموضوع متعالج بس الـ 30 % بيفضلوا”.
وتعليقًا منها على فيديو لناقد فني ينتقد ملابسها، قالت دينا: “يبقى ما شافش لبس سامية جمال قبل كده ولا نجوى فؤاد.. أنا غيرت شكل بدلة الرقص.. خليتها موضة أكتر وفاشون أكتر إنما لو بيتكلم ع العري لأ هما أعرى”.
وأضافت: “أنا معنديش إيماءات ولا إيحاءات ولا يقدر يفتح بوقه.. ميقدرش يفتح بوقه ولو عايز يفتح بوقه يجي يفتحه قدامي”.
