“لولا اختلاف الآراء لبارت السلع”.. بسمة عن السوشيال ميديا: «أرفض التطاول اللفظي من الجمهور على الفنانين»

تحدثت المُمثلة الجميلة بسمة، عن السوشيال ميديا والتعليقات السلبية التي يتعرض لها الفنانين من مستخدمي مواقع التواصل الإجتماعي، وأشارت بأنها ترفض النقد الهدام وضد التطاول اللفظي من قِبل الجمهور.

وأكدت الفنانة، أثناء استضافتها ببرنامج “يحدث في مصر”، والذي يقوم بتقديمة الإعلامي شريف عامر، والمُذاع عبر فضائية “mbc مصر”، موضحة: “لولا اختلاف الآراء لـ بارت السلع، وبجد السوشيال ميديا دي مكان شرير، وأرفض بشدة التطاول بالألفاظ على الفنانين، وده علشان أي شخص ممكن يقول رأية طالما مش بيتعدى عليا، ولو الشخص اللي بيتكلم تخطى حد معين أنا مش موافقة وبرفض ده”.

وواصلت بسمة: “ومش بطلب من الجمهور العادي إنه يكون ناقد متخصص، وكل اللي بطلبه منه إن مفيش حد يتجاوز حدوده وميتطاولش لفظياً، وبطلب منهم إنهم مينسوش إننا بني آدمين وولادنا هيقرأوا الكلام اللي بيتقال عنا، وبجد اللي بيعمل كده بيكون جبان، وأنا برد على شخص مجهول بيشتم فيا ومش بيراعي إني إنسان زيه، وعندي طاقة احتمال وعندي أهلي وأولادي وسهل أوي أنفجر زيه، والسوشيال ميديا في أغلب الأحيان بتكون مكان للشر”.

وتحدثت أيضاً، عن طبيعة الإنسان وأنه يُحب دائماً التغيير، وأن صناعة السينما والدراما تتغير بتغير العصر، مردفة: “على فكرة أنا مصدقة إن البني آدم اللي مش بيتغير بيكون عنده مشكلة وفيه عطل، والحقيقة إننا إتغيرنا وحصل لينا حاجة اسمها التطور، وطبيعي جداً إن الدراما يحصل فيها تطور هى كمان”.

وجديراً بالذكر، بأن الفنانة بسمة شاركت مؤخراً في فيلم “أولاد حريم كريم”، وحققت الفنانة الكثير من النجاح خلال العمل، وشاركها البطولة مجموعة كبيرة من نجوم الفن أبرزهم “مصطفى قمر، وبشرى، وداليا البحيري، ورنا رئيس، وعلا غانم، وخالد سرحان، وتيام قمر، وعمرو عبدالجليل”، وغيرهم، والعمل تأليف زينب عزيز وإخراج علي إدريس.